Biteganyijwe ko uyu mukinnyi azagera i Kigali ku wa Gatatu, tariki ya 11 Werurwe 2026 agatangira kwitegurana n’abandi iri rushanwa rya mbere muri Afurika.

Cook ni umwe mu bafite izina rizwi muri NBA kuko yegukanye Igikombe cya Shampiyona inshuro ebyiri, mu 2018 ari kumwe na Golden State Warriors no mu 2020 ari kumwe na Los Angeles Lakers.

Quinn Cook kandi yanyuze mu yandi makipe menshi nka Dallas Mavericks, New Orleans Pelicans na Cleveland Cavaliers.

Uyu mukinnyi yabaye uwa kane iyi kipe yongeyemo nyuma ya Leonard Craig Randall n’Abanya-Sudani, Madut Akec na Mangok Mathiang.

Ikipe y’Ingabo izatangirira iri rushanwa muri Kalahari Conference iteganyijwe tariki ya 27 Werurwe 2026 i Pretoria muri Afurika y’Epfo.

Umwaka ushize, APR BBC yegukanye umwanya wa gatatu muri iri rushanwa, aho ubu ubuyobozi butangaza ko bwifuza kwegukana iri rushanwa cyane ko imikino ya nyuma izabera i Kigali muri Gicurasi.

Quinn Cook yegukanye NBA mu 2020 ari muri Lakers

Quinn Cook ari kumwe na Kevin Durant bakinanye muri Warriors

Quinn Cook yakiniye Golden State Warriors imyaka ibiri