Uyu wari umukino ubanza w’irushanwa rya ‘Basketball Africa League’ (BAL).

Iyi mikino y’Irushanwa Nyafurika muri Basketball yatangiriye mu mujyi wa Diamniadio, uri mu bilometero bike uvuye mu murwa mukuru Dakar. Iteganyijwe kugeza tariki 21 Werurwe 2023.

Kuri uyu mukino utagize ikinyuranyo kinini mu manota, ABC Fighters niyo yawinjiyemo mbere ibasha kubona amanota y’agace ka mbere itsinze 25-14. Mu gace ka kabiri yatsinze 18-17, aka gatatu igatsindwa ku manota 15-17 mbere yo gukina aka nyuma karangiye ari 22-18.

ABC Fighters yahise iyobora urutonde rw’aya makipe n’amanota abiri, AS Douanes igira inota rimwe. Andi makipe bari mu itsinda rimwe ategereje gukino imikino yayo kuri iki Cyumweru tariki ya 12 Werurwe.

Imikino iteganyijwe harimo uwa REG BBC yo mu Rwanda iza gukina na Kwara Falcons yo muri Nigeria, US Monastir ifite iki gikombe ikine na Stade Malien yo muri Mali.

Muri rusange iri rushanwa ririmo amakipe 12, naho andi ari mu itsinda rya Nile Conference ategerejwe mu mikino izatangira tariki ya 26 Werurwe 2023 i Cairo mu Misiri.

Ayo ni Al Ahly (Misiri), Cape Town Tigers (Afurika y’Epfo), City Oilers (Uganda), Clube Ferroviário da Beira (Mozambique), Petro de Luanda (Angola) na Seydou Legacy Athlétique Club – SLAC (Guinea).

Amakipe ane ya mbere muri buri tsinda ni yo azakomeza mu mikino ya ¼ izabera i Kigali tariki 21-27 Gicurasi 2023.