Uyu mukino wo kwishyura wa ¼ wabaye ku mugoroba wo ku Cyumweru, tariki ya 24 Gicurasi 2026.

Tigers yasabwaga gutsinda cyangwa yanatsindwa bikaba ku kinyuranyo gito kitarenze icyo yatsinze mu mukino ubanza.

FUS Rabat yatangiye umukino neza cyane itsinda amanota menshi ibifashijwemo na William Perry. Agace ka mbere karangiye FUS iyoboye umukino n’amanota 32-14.

Mu gace ka kabiri, Tigers yinjiye mu mukino Craig Randall atangira gutsinda amanota menshi cyane bityo itsinda muri aka gace ku manota 30-19.

Igice cya mbere cyarangiye FUS Rabat yatsinze RSSB Tigers amanota 51 kuri 44.

Mu gace ka gatatu, Mangok Mathiang na Axel Mpoyo bakoreye mu ngata Randall bongera amanota batsindaga.

Muri aka gace, umukino wegeranye cyane, agace ka gatatu karangira FUS Rabat ikiyoboye umukino n’amanota 71-70.

Agace ka nyuma kari injyanamuntu amakipe yombi yegeranye bikomeye kuko yagendanaga mu manota. Muri aka gace, amakipe yombi yanganyije amanota 28-28.

Muri rusange, umukino warangiye FUS Rabat yatsinze RSSB Tigers amanota 99 kuri 98.

RSSB Tigers yakomeje muri ½ kuko umukino ubanza yatsinze ku manota 95-72 bityo ikomeza kubera ikinyuranyo cy’amanota.

Mu mukino wabanjirije uyu, Al Ahly yigaranzuye ASC Ville de Dakar amanota 87-76.

Muri ½, RSSB Tigers izahura na Al Ahly yo mu Misiri ku wa Gatatu, tariki ya 27 Gicurasi 2026.

Craig Randal azamukana umupira

Antino Jackson atanga umupira

William Perry ahanganye na Hagumintwari Steve

Craig Randal yatsinze amanota 43 muri uyu mukino

Umuyobozi wa Kepler, Munyampenda Nathalie yishimira intsinzi ya Tigers

Ntore Habimana yatsinze amanota atatu muri uyu mukino

Ariel Wayz yataramiye abitabiriye umukino wa RSSB Tigers na FUS Rabat

Solo Diabate na ASC Ville de Dakar bananiwe kugera muri 1/2

Iri rushanwa rikomeje kubera muri BK Arena

Nuni Omot agerageza gutsinda amanota atatu

Akanyamuneza kari kose kuri Minisitiri wa Siporo, Nelly Mukazayire

Minisitiri wa Siporo, Nelly Mukazayire yishimira intsinzi

Umutoniwase Nadia ufite izina rikomeye muri sinema ni umwe mu bitabiriye iyi mikino

Inkumi ntizitangwa muri BAL

Kenneth Gasana wakanyujijeho ari mu batoza ba RSSB Tigers

Oumar Ballo yatsinze amanota 10 muri uyu mukino

Mangok Mathiang na Mbuhamadou Diagne bahanganye

Ateny Kuany yatsinze amanota 22 muri uyu mukino

Amafoto: Umwari Sandrine & RUSA Prince