Umukinnyi w’Umunyarwanda wakinnye muri Espoir BBC, Kami Kabangu, wakinaga muri City Oil yo muri Uganda, yagiye mu igeragezwa mu ikipe ya Charab Al Hoaciema mu gihugu cya Maroc.
Umutoza w’ikipe y’igihugu ya Basketball, Mutokambali Moise yabwiye IGIHE ko mu Ishyirahamwe ry’umukino w’intoki mu Rwanda (FERWABA) babonye ubutumire busaba ko Kami yajya kugerageza amahiwe muri Maroc rizama ukwezi.
Mutokambali yagize ati “Ubutumire buvuga ko azakora igeragezwa ry’ukwezi kugera kuya 30 Ukwakira yatsinda akabona amasezerano”.
Kami Kabangu yabaye uwa gatatu mu bakinnyi batsinze rebonds (umupira batsinda basubijemo utarakora ku butaka) nyinshi mu mikino nyafurika yaberaga muri Côte d’Ivoire, yashimwe n’uhagarariye Gasana Kenny, ukina muri Maroc maze yemera kumushakira ikipe.
Undi mukinnyi w’Umunyarwanda, Shyaka Olivier ari mu biganiro n’uhagarariye Gasana ku buryo yabona ikipe hanze y’u Rwanda.
TANGA IGITEKEREZO