Tigers BBC iri mu makipe yiyubatse cyane, ifite gahunda yo kwitwara neza muri uyu mwaka w’imikino wa 2026. Abakinnyi bashya yongeyemo ni Tigers yaguze Anthony Tarke, Albert Odero, Antino Jackson, Hagumintwari Steven, Shyaka Olivier, Nyamwasa Bruno na Bizimungu Paul.

Usibye abo kandi yongereye n’amasezerano ya Pitchou Manga, Ishimwe Lars, Irutingabo Fiston na Icyishatse Herve.

Aba bakinnyi bose bari mu bo yifashishije mu mukino wabereye muri BK Arena wayihuje na APR FC yamaze gufata nk’umukeba wayo, ndetse bayifasha no kwegukana agace ka mbere ifite amanota 25-22.

Agace ka kabiri yakomeje gufashwa na Antino Alvalezes Jackson, Odero Albert Einstein na Paul Bizimana batsindaga amanota menshi igasoza ikiyoboye n’amanota 47-44.

APR FC ahanini yagenderaga kuri ‘rebounds’ za Israel Otobo na Ntore Habimana, ntiyashoboye kugaruka neza muri uyu mukino kugeza urangiye itsinzwe amanota 78-68.

Nyuma yo kwegukana igikombe cya mbere muri uyu mwaka, Tigers BBC itozwa na Henry Mwinuka irashaka kwegukana Shampiyona y’u Rwanda n’ubundi ihanganye na APR BBC.

Igikombe cya Super Cup mu Bagore cyegukanywe na APR WBBC yatsinze REG WBBC amanota 75-62.

Steven Hagumintwari wa Tigers BBC ashaka kunyuza umupira kuri Mukama Jean Victor wa APR BBC

Odero Albert Einstein wa Tigers ahanganye na Adonis Filer wa APR BBC

Umutoza wa Tigers, Henry Mwinuka, ari kugira inama abakinnyi be

Adonis Filer wa APR BBC yambitswe umudali ubona atishimye na gato

APR BBC ntiyahiriwe n'umukino wa FERWABA Super Cup ubanziriza umwaka w'imikino wa 2026

Perezida wa FERWABA, Mugwiza Désiré, ashimira abakinnyi ba APR BBC

APR BBC yahawe imidali ya Feza nyuma yo gukina umukino wa FERWABA Super Cup

Abakinnyi ba Tigers bashyikirizwa igikombe

Tigers BBC yishimiye igikombe cya mbere yegukanye muri uyu mwaka

Irutingabo Fiston wa Tigers BBC ashikirizwa igikombe na Perezida wa FERWABA, Mugwiza Désiré

Tigers BBC yiyubatse bikomeye ishaka ibikombe

APR WBBC yatsinze REG WBBC yegukana FERWABA Super Cup mu bagore

Abakinnyi ba APR WBBC bishimira Igikombe cya FERWABA Super Cup