00:00:00 IGIHE NETWORK KN KINYARWANDA EN ENGLISH FR FRANCAIS

Brooklyn Nets yahagaritse Kyrie Irving kubera gupfobya Jenoside yakorewe Abayahudi

Yanditswe na Byiringiro Osée Elvis
Kuya 4 Ugushyingo 2022 saa 12:49
Yasuwe :

Brooklyn Nets yahagaritse kizigenza wayo Kyrie Irving imikino itanu kubera ibikorwa byo gupfobya Jenoside yakorewe Abayahudi.

Ibinyujije mu itangazo yashyize hanze, Brooklyn Nets yatangaje ko yahagaritse Irving imikino itanu, nyuma yo kuganirizwa ku bikorwa byo gupfobya Jenoside yakorewe Abayahudi yakoze no kubisabira imbabazi ariko bakabona ntacyo bitanga.

Ati “Tumaze iminsi tugerageza gufasha kumvisha Irving uburemere bw’ibyo yakoze, twabinyujije mu biganiro byo kwigisha ariko ntacyo byatanze kuko atemera ko ntangengabitekerezo afite. Brooklyn Nets rero ntabwo yaguma kwisanisha nabyo bityo twemeje ko Irving ahagarikwa imikino irenze itanu.”

Nyuma yo guhagarikwa, Irving abinyujije kuri Twitter ye, yasabye imbabazi avuga ko yiteguye kwakira ingaruka zose azaterwa n’ibyo yakoze.

Yagize ati “Ndasaba imbabazi ku miryango yose y’Abayahudi ndetse n’undi wese wababajwe n’ibyo natangaje, sinagambiriye kubahuka no gupfobya umuco w’Abayahudi ndizera murampa imbabazi.”

Tariki 27 Ukwakira 2022, Irving yasangije abamukurikira kuri Twitter link ya filimi yitwa “Hebrews to Negroes: Wake Up Black America,” yakinwe hagendewe ku gitabo cya Ronald Dalton cyitwa gutyo, cyafashwe nk’igipfobya Jenoside yakorewe Abayahudi.

Icyo gihe umuyobozi wa Brooklyn Nets, Joe Tsai yavuze ko yababajwe nibyo umukinnyi we yakoze kandi ko azamuganiriza amwumvisha uburemere bw’ibyo yakoze.

Icyo gihe NBA nayo yatangaje ko yamaganye ibikorwa byose bifitanye isano n’urwango kuko bihabanye n’indangagaciro z’uburinganire, gushyira hamwe no kubahana.

Ibi bikorwa byo gupfobya Jenoside y’Abayahudi biheruka no kugaragara ku muhanzi Kanye West cyangwa Ye byatumye Adidas ihagarika ubufatanye yari ifitanye nawe, ihagarika gukora ibicuruzwa bya Yeezy ndetse no kumwishyura hamwe n’amasosiyete ye.

Umwaka ushize Irving ntiyakinaga imikino yo mu rugo kubera kwanga kwikingiza Covid 19, ibintu byatumye Brooklyn Nets yanga kumwongerera amasezerano muri iyi mpeshyi bityo akaba ari mu mwaka we wa nyuma muri iyi kipe.

Kyrie Irving yahagaritswe imikino irenga itanu kubera ibikorwa byo gupfobya Jenoside yakorewe Abayahudi

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .