RSSB Tigers izahagararira Umugabane wa Afurika nyuma yo kwegukana BAL 2026, yatangiye umwiherero ku wa Mbere, tariki ya 7 Nzeri 2026.

Mu bakinnyi iyi kipe yitabaje biganjemo abayifashije kwegukana BAL 2026 n’abandi basanzwe muri shampiyona.

Umukinnyi mushya yongeyemo ni Jonathan Hamilton. Abandi ni Ntore Habimana, Kwizera Sage, Bizimana Paul, Craig Randall, Teafale Leonard Jr, Tyler Bey, Nisre Zouzoua, Antino Jackson, Mutabazi David, Hagumintwari Steven, Ishiwe Lars, Jonathan Hamilton, Ndizeye Dieudonne, Axel Mpoyo na Shema Osborn.

FIBA Intercontinental Cup 2026 izabera mu Bushinwa kuva tariki ya 22 kugeza ku wa 27 Nzeri 2026.

RSSB Tigers iri mu Itsinda A hamwe na Rytas Vilnius yo muri Lithuania ihagarariye u Burayi, na Shangai Sharks yo mu Bushinwa ihagarariye Aziya.

Itsinda B ririmo Beijing Royal Fighters yo Bushinwa, Boca Juniors yo muri Argentina ihagarariye Amerika y’Amajyepfo na NBA G League United irimo abakinnyi b’intoranywa muri shampiyona ityarizwamo abakina muri NBA, ikaba ari ikipe izaba ihagarariye Leta Zunze Ubumwe za Amerika.

Umukino wa mbere ari na wo ufungura irushanwa RSSB Tigers izawukina na Rytas Vilnius ku wa 22 Nzeri. Amakipe abiri ya mbere muri buri tsinda azakomeza muri ½.

Kwizera Sage wabaye umukinnyi wazamuye urwego kurusha abandi yongewe muri RSSB Tigers

Tyler Bey wigaragaje cyane mu Mikino ya Kamarampaka ari kumwe n'abandi mu mwiherero

Nisre Zouzoua wigaragaje cyane mu Mikino ya Kamarampaka ni umwe mu bazifashishwa

Ishimwe Lars yongewe muri RSSB Tigers

Hagmintwari Steve na Shema Osborn bari muri Tigers yitegura amarushanwa mpuzamigabane

Antino Jackson na Ntore Habimana ni bamwe mu bitabajwe