Ujiri yahawe inshingano z’ibikorwa byose by’ikipe birimo kugura abakinnyi, gushaka abashya n’ibindi.

Umuyobozi Mukuru wa Dallas Mavericks, Patrick Dumont, yagaragaje ko bishimiye kugira Ujiri mu ikipe ndetse bizeye ko bazagirana ibihe byiza.

Masai yavuze ko yishimiye kujya mu ikipe ifite inyota yo gutsinda n’amateka.

Ati “Iyi ni ikipe y’amateka, y’abafana bakomeye kandi ifite inyota yo gutsinda. Tuzatsinda muri Dallas.”

Ujiri ni umwe mu bafite izina rikomeye mu buyobozi bw’amakipe muri NBA, aho yanyuze muri Denver Nuggets na Orlando Magic.

Ni mu gihe kandi yayoboye Toronto Raptors kuva mu 2013 kugeza mu 2025 batandukanye. Mu 2019 yahesheje iyi kipe Igikombe cya Shampiyona.

Masai Ujiri kandi asanzwe afite Umuryango wa Giants of Africa ufasha urubyiruko rwa Afurika kuzamura impano muri Basketball.

Uyu mugabo w’inshuti y’u Rwanda afite Zaria Court iri muri hoteli zigezweho i Kigali.

Masai Ujiri yagizwe Perezida wa Dallas Mavericks

Dallas Mavericks ni imwe mu makipe akomeye muri NBA

Masai Ujiri ni umwe mu nshuti zikomeye z'u Rwanda

Zaria Court yubatswe na Masai Ujiri, ni imwe muri hoteli zigezweho i Kigali