00:00:00 IGIHE NETWORK KN KINYARWANDA EN ENGLISH FR FRANCAIS

Patriots yatsinze REG BBC mu mikino ya nyuma ya playoffs (Amafoto)

Yanditswe na Byiringiro Osée Elvis
Kuya 8 Nzeri 2022 saa 08:50
Yasuwe :

Patriots yatsinze REG BBC amanota 75-70, mu mukino wa mbere mu mikino ya nyuma ya kamparampaka (Playoffs) yabaye kuri uyu wa gatatu tariki 7 Nzeri 2022.

Ni umukino watangiranye imbaraga nyinshi ku ruhande rwa REG BBC kuko yarushaga Patriots yakoraga amakosa menshi, agace ka mbere karangiye ikipe ya REG BBC ikayoboye n’amanota 23-17.

Agace ka kabiri Patriots yagatangiranye imbaraga ishaka kugaruka ariko REG BBC iyibera ibamba, amakipe yombi ajya kuruhuka REG iri imbere n’amanota 43 kuri 34 ya Patriots.

Nyuma y’akaruhuko amakipe yahatanye cyane kuko nta n’imwe yemereraga indi guhanahana byibura imipira ibiri.

Adonis wa REG wigaragaje muri uyu mukino yakomeje kuzonga Patriots.
Agace ka gatatu kageze hagati Patriots yikubise agashyi ishaka kugabanya ikinyuranyo ariko REG ntiyayorohera.

Mu munota wa nyuma w’agace ka gatatu, abafana bari muri BK Arena bahagurutse maze Patriots igaruka mu mukino ikinyuranyo ikimaramo ariko mu masegonda atanu ya nyuma REG itsinda amanota atatu, agace ka gatatu karangira na ko REG ikayoboye ku manota 61-58.

Mu gace ka kane Patriots yaje kukayobora maze umukino urangira yigaranzuye REG yari yayoboye umukino wose, iyitsinda ku manota 75-70.

Crowford Christopher umukinnyi mushya wa Patriots ni we watsinze amanota menshi; yatsinze 27.

Umukino wa kabiri wa kamparamaka uteganyijwe ku wa gatandatu tariki 10 Nzeri 2022.

Uyu mukino wabanjirijwe n’uwa nyuma mu bagore bigoranye cyane REB WBBC yatsinze APR BBC amanota 60-57.

Nezerwa Ines wa REG ni we watsinze amanota menshi kuko yatsinze 21.

Cleveland Thomas yagize umukino mwiza
Abafana ba REG baba bisize n'amarangi
Nubwo imvura yiriwe igwa ntibyabujije abakunzi ba Basketball kuza kwihera ijisho uyu mukino
Ubwitabire bw'abafana bwari buri hejuru
Wari umukino w'ishiraniro
Miss Jolly, Miss Aurore, Miss Colombe na bo barebye umukino

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .