00:00:00 IGIHE NETWORK KN KINYARWANDA EN ENGLISH FR FRANCAIS

REG BBC yatsinze APR BBC isanga Patriots BBC ku mukino wa nyuma (Amafoto)

Yanditswe na Byiringiro Osée Elvis
Kuya 3 Nzeri 2022 saa 12:20
Yasuwe :

REG BBC yatsinze APR BBC amanota 71-66 igera ku mukino wa nyuma w’imikino ya kamparamaka (Playoffs) ku giteranyo cy’intsinzi 2-1.

Ni umukino wa gatatu wa kamparamaka, wabaye kuwa Gatanu,tariki 2 Nzeri 2022 nyuma yo gusubikwa tariki 31 Kanama 2022, kubera imvura nyinshi.

Wari umukino w’ishiraniro ku mpande zombi amakipe akina yegeranye cyane kuko agace ka mbere karangiye REG bbc igatsinze ku manota 23-19.

Agace ka kabiri APR BBC yagarukanye imbaraga nyinshi igatsinda ku manota 17-16.

Igice cya mbere cyarangiye REG BBC iyoboye n’amanota 39-36 ya APR BBC. Amakipe yagiye mu karuhuko Alex Mpoyo wa REG, yatsinze amanota 10 ari we uyoboye abandi mu gutsinda amanota menshi.

Agace ka gatatu REG BBC yagarukanye imbaraga nyinshi, cyane ku musore wayo Adonis Filer, aka gace karangira REG igatsinze ku manota 21-17.

APR yaje mu gace ka nyuma yakaniye cyane ishaka kwigaranzura, ariko REG ntiyemeraga ko ikinyuranyo mu manota kiba kinini.

Agace ka kane karangiye APR BBC igatsinze ku manota 13-11, ibintu bitagize icyo biyifasha kuko umukino warangiye REG itsinze ku manota 71-66.

Adonis Filer witwaye neza mu duce tubiri twanyuma niwe watsinze amanota menshi muri uyu mukino angana na 22.

Gutsinda kwa REG BBC kwatumye isanga Patriots ku mukino wa nyuma nayo yagezeho nyuma yo gutsinda Tigers imikino ibiri ku busa.

Ni inshuro ya gatanu yikurikiranya REG BBC ihura na Patriots BBC ku mukino wanyuma.

Uyu mwaka umukino wa mbere wa nyuma utegerejwe tariki 7 Nzeri 2022.

Ni umukino wa nyuma uzakinwa mu buryo bw’umwiza muri itanu (Best of five), bivuzeko ikipe izatsinda imikino itatu muri itanu ariyo izatwara igikombe cya shampiyona 2021/22.

Nshobozwabyosenumukiza agerageza gucika abasore ba APR BBC
APR BBC nayo yanyuzagamo igasatira ikanatsinda amanota
Kapiteni wa REG BBC, Kaje Elie atsinda amanota atatu
Cleverand Jr umwe mu bakinnyi bakomeye ba REG BBC
Wari umukino w'ishiraniro

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .