Biteganyijwe ko iyi nyubako izajya yakira abafana bari hagati ya 800 na 1000 bicaye neza. Ifite kandi urwambariro rwakira amakipe abiri, ubwogero n’ubwiherero.

Uwahaye IGIHE amakuru yavuze ko iyi nyubako yubatswe ku bufatanye bw’ibigo byombi ndetse REG yanakodesheje iki kibuga imyaka itanu, mu gihe bateganya kuzubaka icyabo kinini kigendanye n’igihe.

Ati “Tuzaba twifashisha iki tukisanzuyeho. Gusa turateganya kuzubaka ikibuga kinini kizakira abafana benshi, kizaba gifite na hoteli.”

Yakomeje agaragaza ko iyi nyubako izafasha mu kibazo cy’ibibuga bike amakipe menshi akunze guhura na cyo muri Basketball na Volleyball.

Amakipe ya REG ya Basketball mu bagabo n’abagore ndetse n’iy’abagabo muri Volleyball yatangiye gukorera iki kibuga.

Amafoto: Umwari Sandrine
Video: Rukimbira Divin