Ikipe ya Dynamo BBC yo mu Burundi yatewe mpaga mu mukino wari kuyihuza na FUS Rabat yo muri Maroc, ku Cyumweru saa Kumi, nyuma yo kwanga gukurikiza amategeko agenga irushanwa n’imyambaro muri BAL 2024.
Binyuze mu itangazo, Ubuyobozi bwa BAL bwatangaje ko iyi kipe yatewe mpaga mu mukino wari kuyihuza na FUS Rabat.
Ati “Dynamo BBC yatewe mpaga mu mukino wari kuyihuza na FUS Rabat Cyumweru saa Kumi kubera kwanga gukurikiza amategeko agenga irushanwa n’imyambaro.”
Mu mukino ufungura iyi mikino wabaye ku wa Gatandatu tariki 9 Werurwe, Dynamo BBC yatsinze Cape Town Tigers amanota 86-73.
Iyi kipe y’i Burundi yakinnye yahishe ijambo Visit Rwanda riba imbere ku myambaro y’amakipe yose kuko ari umuterankunga mukuru w’iri rushanwa.
Imyitwarire y’iyi kipe y’i Burundi ishingiye ku mwuka mubi umaze iminsi hagati y’u Rwanda n’u Burundi, byanatumye u Burundi bufata umwanzuro wo gufunga imipaka.
U Burundi bushinja u Rwanda gufasha umutwe wa RED Tabara ubarizwa mu Burasirazuba bwa Congo, mu gihe u Rwanda rubihakana rukagaragaza ko ari urwitwazo ku bibazo u Burundi bufite.
Ambasaderi w’u Rwanda mu Buholandi, Olivier Nduhungirehe abinyujije kuri X yagize ati “Birababaje kuba urubyiruko rufite impano rwaramaze amezi rwitoza ngo rwitegure irishunwa nk’iri nyafurika ariko bakabura amahirwe yo gutsinda ku munota wa nyuma kubera imiyoborere mibi mu gihugu cyabo. Ni irindi somo ry’uko siporo idakwiriye kuvangwa na Politiki.”
This is an unfortunate situation. Talented young players practised hard their sport for months to prepare for a great African competition, but they were at the last minute deprived from such a unique opportunity to win and shine for their country, just because of bad politics… https://t.co/dJ1THlqknw
— Olivier J.P. Nduhungirehe (@onduhungirehe) March 10, 2024
Guterwa mpaga kwa Dynamo BBC bivuze ko uyu mukino utakibaye bityo hateganyijwe uri buhuze Cape Town Tigers na Petro de Luanda saa Moya zo kuri iki Cyumweru tariki 10 Werurwe.
Abantu batandukanye bakurikiranira hafi politiki y’u Burundi, bagaragaje ko bibabaje kuba ikipe yaterwa mpaga bishingiye ku nama mbi bahawe n’ubuyobozi bw’icyo gihugu, bwo gushaka kuvanga politiki na siporo.
ce qui arrive, quand un imbécile est à la tête d'un pays.😡DYNAMO BBC progressait bien pour la première fois dans ce MEGA tournoi jusqu'à ce qu'un voyou mêle sa politique nauséabonde dans le sport. Qu'est-ce que le Burundi a fait pour mériter un dirigeant tel que @generalNeva ? https://t.co/uAop4OQmKI pic.twitter.com/nRs1py3npV
— Nijimbere Ines🇧🇮🇧🇪 (@Inesnijimbere) March 10, 2024
Burundi authorities decided to punish their own players and fans at a time when Dynamo BBC was doing well. https://t.co/XW3fCFRDi7
— Edwin Musoni (@EdwinMusoni) March 10, 2024
"C'est le comble du cynisme de voir que notre pays prend en otages l'avenir de toute une nation pour des petites choses de politique politiciennes, certes Dynamo est déclarée forfait mais c'est une honte pour toute une nation", réagit un membre du staff de @DynamoBbc pic.twitter.com/Y2R3Wm6sMj
— Alain Majesté BARENGA (@alain_majeste) March 10, 2024
