00:00:00 IGIHE NETWORK KN KINYARWANDA EN ENGLISH FR FRANCAIS

CAN 2021: Abakinnyi ba Ghana barwanye n’aba Gabon

Yanditswe na Bukuru JC
Kuya 15 January 2022 saa 10:57
Yasuwe :

Umukino w’umunsi wa kabiri wo mu Itsinda C waraye uhuje Ghana na Gabon byombi bikanganya igitego 1-1 mu Gikombe cya Afurika kiri kubera muri Cameroun, wasojwe n’imvururu ubwo abakinnyi b’amakipe yombi barwanaga ndetse Benjamin Tetteh wa Black Stars ahabwa ikarita itukura.

Kuri Stade Ahmadou Ahidjo, Ghana yari yafunguye amazamu ku gitego cyinjijwe na André Ayew ku muota wa 18, yishyuwe habura iminota ibiri ngo 90 yuzure ubwo Gabon yatsindirwaga na Jim Allevinah.

Abakinnyi ba Ghana bagaragaje uburakari ubwo umukino wari urangiye ndetse batangira gushyamirana n’abo bari bahanganye. Benjamin Tetteh wari wagiye mu kibuga asimbuye, yahawe ikarita itukura nyuma yo gukubita igipfunsi Aaron Boupendza wa Gabon.

Uyu mukinnyi w’imyaka 24 azasiba umukino w’ingenzi Ghana izahuramo na Maroc ku wa Kabiri mu gihe izaba isabwa gutsinda kugira ngo yiyongerere amahirwe yo kugera muri 1/8.

Kuri ubu, Gabon ifite amanota ane mu mikino ibiri imaze gukina nubwo yombi yayikinnye idafite Kapiteni wayo Pierre-Emerick Aubameyang kubera uburwayi.

Muri iri tsinda, Maroc yabonye itike ya 1/8 nyuma yo gutsinda Ibirwa bya Comores ibitego 2-0 mu wundi mukino wabaye ku wa Gatanu.

Abakinnyi ba Ghana bashyamiranye n'aba Gabon ubwo umukino wari urangiye
Aaron Boupendza aryamye hasi nyuma yo gukubitwa igipfunsi
Umusifuzi Lahlou Benbraham ahamagara Tetteh ngo amuhe ikarita itukura

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .