Mu irushanwa ryo guhatanira igikompe cy’amakipe y’umupira w’amaguru yabaye aya mbere iwayo ku mugabane w’u Burayi(UEFA), Arsenal yatsinze Olympiakos ibitego 3-1 mu mukino wabaye kuwa 3 Nzeri 2012 ku kibuga cya Arsenal (Emmirates).

Uyu mukino wo mu itsinda rya B, igitego cya mbere cyabonetse ku munota wa 42 gitsinzwe na Gervinho , igitego cya kabiri gitsindwa na Lukas Podolski ; icyanyuma gitsindwa na Ramsey mu minota y’inyongera.

Igitego rukumbi cya Olympiakos cyatsinzwe na Mitroglou ku munota wa 45.

N’ubwo ikipe ye yatsinze, umutoza wa Arsenal, Arsene Wenger , mbere y’umukino yari yatangaje ko abakinnyi be badahagaze neza nyuma yo gutsindwa na Chelsea mu mpera z’icyumweru gishize.

Oxlade-Chamberlain yasimbuwe na Walcott ku munota wa 70, Podolski asimburwa na Ramsey ku munota wa 79, naho Gervinho aza gusimburwa na Giroud ku munota wa 79.

Umukino wabonetsemo amakarita 2 y’umuhondo, ku bakinnyi nka Koscielny wa Arsenal na Contreras wa Olympiakos.

Impuzandengo yo kwiharira umupira muri rusange, Arsenal yagize 57% mu gihe Olympiakos yagize 43%.
Gutsinda kwa Arsenal, byatumye iza ku mwamya wa mbere n’amanota 6 nyuma y’uko Schalke 04 inganyirije na Montpelier.

Indi mikino yabaye, amakipe yatsindanye ku buryo bukurikira:

• Zenit St P’sbg 2 - 3 AC Milan
• Ajax 1 - 4 Real Madrid
• Anderlecht 0 - 3 Malaga
• Dynamo Kiev 2 - 0 Din Zagreb
• FC Porto 1 - 0 Paris SG
• Man City 1 - 1 Borussia Dortmund
• Schalke 04 2 - 2 Montpellier