Iri rushanwa ryabaye kuva tariki ya 11 Kamena kugeza ku ya 19 Nyakanga 2026, ryakiriwe na Leta Zunze Ubumwe za Amerika, Canada na Mexique.

Espagne yegukanye iki Gikombe cy’Isi ibikesha igitego rukumbi cya Ferran Torres mu minota 30 y’inyongera y’umukino wa nyuma yahuyemo na Argentine kuri MetLife Stadium.

Muri rusange, abafana barebye imikino 104 yakinwe bari kuri stade ni miliyoni 6,5 mu gihe abarebye imikino yabaye ku wa 16 Kamena gusa ari ibihumbi 281.

Stade zose zabereyeho imikino muri Leta Zunze Ubumwe za Amerika, Mexique na Canada zuzuye ku rwego rwa 99,7%.

Hanze y’ikibuga, iri rushanwa ryashyizeho agahigo mu gukurikirwa na benshi aho ryarebwe n’abarenga miliyari 20 ku mbuga nkoranyambaga zitandukanye, bikaba ari ubwa mbere bibayeho.

Bivugwa kandi ko ryinjirije ibihugu byaryakiriye miliyari 41 z’Amadolari.

Indi mibare yo mu kibuga:

• 1- Espagne ni yo kipe imwe yegukanye Igikombe cy’Isi cyakiniwe
• 3- Cristiano Ronaldo, Lionel Messi na Guillermo Ochoa bakinnye iri rushanwa ku nshuro ya gatandatu.
• 4- Amakipe ane yitabiriye Igikombe cy’Isi bwa mbere: Ouzbekistan, Jordanie, Cap-Vert na Curaçao.
• 8- Imikino myinshi ikipe imwe yakinne idatsindwa (Espagne).
• 7- Imikino myinshi ikipe imwe yatsinze yikurikiranya (Argentine).
• 4- Imikino myinshi ikipe imwe yamaze itsinda (Cap-Vert).
• 23- Brésil ni cyo gihugu cyitabiriye Igikombe cy’Isi inshuro nyinshi, gikurikiwe n’u Budage bwagikinnye ku nshuro ya 21.
• 104- Imikino yakinwe mu irushanwa ryose
• 308- Ibitego byose byabonetse mu irushanwa
• 16- Ibitego bya penaliti byabonetse mu irushanwa
• 14- Ibitego byitsinzwe n’abakinnyi banyuranye
• 10- Umubare w’ibitego byinshi byatsinzwe n’umukinnyi umwe (Kylian Mbappé/ u Bufaransa).
• 7- Umubare w’imipira myinshi yatanzwe n’umukinnyi umwe (Michael Olise/ u Bufaransa) ikavamo ibitego kuri bagenzi be.
• 799- Imipira myinshi yatanzwe n’umukinnyi umwe mu irushanwa (Rodri/ Espagne).
• 96,23- Ibilometero byinshi byakozwe n’umukinnyi umwe mu irushanwa (Rodri/ Espagne).
• 934,4- Iminota myinshi yakinwe n’umukinnyi umwe (Emiliano Martinez/ Argentine).