Kuva u Rwanda rwatangira kugirana imikoranire na Paris Saint-Germain yo mu Bufaransa, abakinnyi bayo barimo abo mu ikipe y’abagabo iy’abagore ndetse n’abakanyujijeho, basura u Rwanda mu rwego rwo kwirebera ibyiza nyaburanga birutatse.

Ni muri urwo rwego aba bakinnyi bageze mu Rwanda kugira ngo basure ibice bitandukanye, aho ku munsi wa mbere w’urugendo rwabo basuye Urwibutso rwa Jenoside rwa Kigali, bunamira inzirakarengane z’Abatutsi zazize Jenoside mu 1994.

Nk’uko bigaragara ku mbuga za Paris Saint-Germain y’Abagore, kuri uyu wa Kane, tariki ya 26 Gashyantare 2026, aba bakinnyi bagiye muri Pariki y’Ibirunga gusura ingagi.

Kuri uyu munsi wa kabiri w’urugendo rwabo kandi babonye basuye Ikiyaga cya Ruhondo. Bacumbitse muri One&Only Gorilla’s Nest.

Océane Nathalie Toussaint Dit Marseille w’imyaka 22 ni umunyezamu wa Paris Saint-Germain y’Abagore, Baby Jordy Benera w’imyaka 21 we akina mu kibuga hagati, mu gihe Jade Le Guilly w’imyaka 23 we ari myugariro ukina anyuze mu mpande.

Mu bandi bakinnyi b’iyi kipe yo muri Shampiyona y’Abagore y’Icyiciro cya Mbere mu Bufaransa bageze mu Rwanda, harimo Paulina Dudek na Oriane Jean-François.

Kuva mu 2019, u Rwanda rufitanye amasezerano na PSG binyuze muri gahunda ya Visit Rwanda, akaba yaravuguruwe mu mwaka ushize wa 2025 kugira ngo azageze mu 2028.

View this post on Instagram

A post shared by PSG Féminines (@psg_feminines)

Océane Nathalie Toussaint Dit Marseille, Baby Jordy Benera na Jade Le Guilly batanga ubutumwa bw'ihumure

Océane Nathalie Toussaint Dit Marseille, Baby Jordy Benera na Jade Le Guilly bashyize indabo ku mva zishyinguwemo Abatutsi bazize Jenoside mu 1994

Mbere y'uko Océane Nathalie Toussaint Dit Marseille, Baby Jordy Benera na Jade Le Guilly bava ku Rwibutso rwa Jenoside rwa Kigali batanze impano

Kuva u Rwanda rwagirana imikoranire na PSG, abakinnyi bayo bararusura

Océane Nathalie Toussaint Dit Marseille, Baby Jordy Benera na Jade Le Guilly bakinira Paris Saint-Germain y’Abagore bari mu Rwanda

Abakinnyi ba PSG y'Abagore bari mu Rwanda bitegereje imisozi myiza irutatse

Le Guilly Jade yari yishimiye kuba mu Rwanda

Abakinnyi ba PSG y'abagore bari mu Rwanda babyiniwe imbyino za Kinyarwanda

Intore ziri gususurutsa abakinnyi ba PSG y'Abagore

Océane Nathalie Toussaint Dit Marseille, Baby Jordy Benera na Jade Le Guilly bari baryohewe no gutaramirwa

Baby Jordy Benera ari kunywa ku ikawa yo mu Rwanda