Mu rwego rwo gutanga umusanzu mu kigega “Agaciro Development Fund”, abanyamuryango b’Ishyirahamwe ry’umupira w’amaguru mu Rwanda, FERWAFA, bemeye gutanga miliyoni kuri buri kipe y’icyiciro cya mbere, hafi miliyoni 16 FRW.

Buri kipe y’icyiciro cya kabiri izatanga izatanga umusanzu w’ibihumbi 300 FRW hakusanywe miliyoni esheshatu n’ibihumbi 900 ku makipe 23.

Amakipe agize shampiyona y’abagore yiyemeje gutanga miliyoni n’ibihumbi 200 FRW naho Ishyirahamwe ry’abasifuzi ritange ibihumbi 500 FRW.

FERWAFA izatanga miliyoni eshanu, yose hamwe abe miliyoni 29 n’ibihumbi 600 FRW hiyongereho ayakusanyijwe ku bibuga mu irushanwa ry’Agaciro Development Fund risozwa kuri iki Cyumweru kuri stade Amahoro.

Rayon Sports na Musanze barakina saa 13.30 bahatanira umwanya wa gatatu maze Ukwezi kwari kwahariwe gukusanya umusanzu w’iki kigega byatangiye ku munsi w’Umuganura usozwe n’umukino wa nyuma uhuza Police FC na Sunrise.

Iyi mikino yo kongera inkunga mu kigega cy’Agaciro Development Fund yakinwe bwa mbere mu 2012, Rayon Sports itwara igikombe itsinze Mukura VS igitego 1-0 cya Kambale Salita Gentil.

Nyuma y’imyaka itatu hatangijwe ikigega cy’Agaciro Development Fund hamaze gutangwamo umusanzu wa miliyari 27 na miliyoni 400 FRW.