Al Nasr yahagurutse ku Kibuga Mpuzamahanga cy’Indege cya Kigali i Kanombe ku mugoroba wo ku wa Mbere, tariki ya 10 Ukwakira 2022.

Iyi kipe yo mu Mujyi wa Benghazi mu mukino ubanza yakiniye kuri Stade Mpuzamahanga ya Huye, yanganyije na AS Kigali 0-0, ku wa 8 Ukwakira 2022.

Nyuma y’amasaha make ikinnye, Al Nasr yiteguraga gusubira iwayo muri Libya yakoreye imyitozo kuri Stade Mumena ku Cyumweru.

Ubusanzwe Al Nasr ibarizwa mu Mujyi wa Benghazi ufatwa nk’icyambu cya kabiri mu bunini muri Libya ndetse ukora ku Nyanja ya Méditerranée.

Ni umujyi utuwe n’abakunzi b’imikino cyane dore ko ubarizwamo amakipe ane kandi akomeye yo mu cyiciro cya mbere muri Shampiyona ya Libya ari yo Al-Ahly Benghazi, Al Hilal Benghazi, Al Tahhaddi Benghazi ndetse na Al Nasr Benghazi izakira AS Kigali mu mukino wo kwishyura.

Al Nasr yasesekaye ku Kibuga Mpuzamahanga cy’Indege cya Kigali saa Munani z’amanywa, yajyanye n’indege ya Ethiopian Airlines.

Yajyanye abakinnyi bose, abatoza ndetse n’abandi bashinzwe ubuzima bwa buri munsi bwayo, nta wagiriye ikibazo i Kigali.

Biteganyijwe ko AS Kigali izakira mu mukino wo kwishyura, izahaguruka mu Rwanda ku wa Gatatu, tariki ya 12 Ukwakira 2022, yerekeza muri Libya.

Biteganyijwe ko ikipe izakomeza mu cyiciro gikurikiyeho hagati ya AS Kigali na Al Nasr izahura n’izaba yasezerewe muri CAF Champions League, izakomeza ni yo izagera mu matsinda.

Berekeje ku Kibuga Mpuzamahanga cy'Indege cya Kigali muri bus ya Volcano

Umutoza Mukuru wa Al Nasr, Zoran Milinković, yagiye yicaranye na Umwungeri Patrick wabafashaga mu gihe cyose bari bamaze mu Rwanda

Umwungeri Patrick wahagaritse gukina umupira w'amaguru ubu akaba ari umutoza wa gatatu wa AS Kigali ni we wasohotse mbere muri iyi modoka

Umutoza mukuru wa Al Nasr, Zoran Milinković na we yakurikiyeho

Basubiye iwabo muri Libya kwitegura umukino wo kwishyura bazakiramo AS Kigali

Abakinnyi ba Al Nasr bishimiye ikirere cy'u Rwanda

Basubiyeyo bashima isuku basanze mu Rwagasabo

Al Nasr yasubiye muri Libya kwitegura umukino wo kwishyura

Basubiye iwabo bishimira uko bakiriwe, bari bafite akanyamuneza

Ushinzwe gufata amafoto ya Al Nasr yahagaze imbere ya camera ya IGIHE ngo afate ifoto y'urwibutso azajya yibukiraho ibihe byiza yagiriye mu rw'Imisozi igihumbi

Ushinzwe Ibikoresho bya Al Nasr yinjira aho agomba kwerekana impapuro z'inzira no gusakwa ngo akomeze aho ari bufatire indege

Al Nasr yageze mu Rwanda ifite ibikoresho byuzuye

Bishimiye ibihe byiza bagiriye mu Rwanda mu gihe bahamaze

Umwungeri Patrick asezera ku mufotozi wa Al Nasr amwifuriza urugendo rwiza

Amafoto: Ntare Julius