Umukino Rayon Sports yatsinzwemo na APR FC igitego 1-0 ku wa Gatandatu, wababaje imbaga y’abatari bake barimo abakunzi n’abakinnyi b’iyi kipe yambara ubururu n’umweru, ni mu gihe ab’i Shyorongi batashye bavuza ingoma.
Wari Umukino w’Umunsi wa 14 wa Shampiyona, wabereye kuri Stade ya Kigali i Nyamirambo itarimo abafana benshi nk’uko byajyaga bigenda.
Nyuma y’uburyo butandukanye bwabonetse mu minota yabanje, Bizimana Yannick yahagarukije abafana ba APR FC ku munota wa 74 ubwo yinjizaga igitego ku mupira yahawe na Ishimwe Anicet.
Bizimana umaze imyaka ibiri avuye muri Rayon Sports, yananiwe kwifata, yishimira igitego hamwe na bagenzi be ahagana muri koruneri.
Iki gitego cyatumye abakunzi b’Ikipe y’Ingabo baguma mu bicu mu minota isaga 15 yakurikiyeho, ni mu gihe agahinda no kwiheba byatangiye kugaragara ku maso y’Aba-Rayons.
Umuvugizi wa Rayon Sports, Nkurunziza Jean Paul n’uwigeze kuba Visi Perezida w’iyi kipe, Muhirwa Prosper, bari mu bagaragaye bifashe mapfubyi nyuma yo gutegereza igitego kikabura.
Myugariro Muvandimwe Jean Marie Vianney wari wicaye ku ntebe y’abasimbura, yageze aho arahaguruka mu minota ya nyuma atanga amabwiriza ku bakinnyi be. Hari aho kandi we n’abandi bari kumwe, bagaragara bihebye.
Ubwo umusifuzi Ishimwe Claude ‘Cucuri’ yari asoje umukino, Paul Were wa Rayon Sports yahise acike intege yicara hasi mu kibuga, mu gihe Mbirizi Eric yahise aryama agaramye, bigaragara ko bombi bananiwe kumva ibibabayeho.
Ntiwabaye kandi umunsi mwiza kuri Iraguha Hadji uheruka gutorwa nk’Umukinnyi mwiza w’ukwezi muri Rayon Sports. Uyu musore ukiri muto, ntiyasoje umukino kuko yasimbuwe na Were, ndetse yananiwe kwakira uburyo ikipe ye yatsinzwe, amarira ashoka mu maso ye, ahozwa na Ishimwe Prince ushinzwe umutekano ku mikino y’iyi kipe.
Ku ruhande rwa APR FC, abatoza n’abakinnyi bayo bahoberanye ndetse bajya gushimira abafana bayo babashyigikiye kuri uyu mukino.
Rayon Sports yari yemerewe ibihumbi 500 Frw kuri buri umwe mu gihe yatsinda, naho APR FC yari yemereye abakinnyi bayo ibihumbi 300 Frw.
Gutsinda uyu mukino byatumye APR FC igira amanota 27 ku mwanya wa gatatu, isigara irushwa inota rimwe na Rayon Sports ya kabiri. AS Kigali ni iya mbere n’amanota 30.
Rayon Sports yujuje imikino irindwi yikurikiranya idatsinda APR FC kuva mu 2019. Yatsinzwe itanu, zombi zinganya ibiri.
Umuvugizi wa Rayon Sports, Nkurunziza Jean Paul yari yihebye nyuma y'igitego cya APR FCUmukino wari uhangayikishije benshiKuri Miss Mutesi Jolly ntabwo yari ahangayikishijwe n'ibiri kubera mu mukinoBamwe mu bahoze mu buyobozi ba Rayon Sports ni uko bari bifashe!Ushinzwe Igura n'Igurisha muri APR FC, Mupenzi Eto'o aganira n'Umunyamakuru Karenzi Sam uko umukino wagendagaRt. Col. Eugène Ruzibiza umwe mu bayobozi bakuru b'abafana ba APR FC ku rwego rw'igihugu acungira hafi uko ikipe ye ikomeje kwitwaraKu munota wa 74 w'umukino Rutahizamu Bizimana Yannick ni bwo yanyeganyeje inshundura ku mupira yacomekewe na Ishimwe AnicetBizimana Yannick nubwo yatsinze ikipe yahozemo ntibyamubujije kucyishimiraAbasore ba APR FC bahuriye muri koruneri kwishimana na Bizimana Yannick watsinze igitego cyabahesheje amanota atatuByari ibyishimo kuri aba basore ndetse n'Umutoza w'Abanyezamu, Mugabo Alex, wakiniye Rayon SportsMyugariro akaba na Kapiteni wungirije wa APR FC, Buregeya Prince, byari byamurenzeUmutoza w'Abanyezamu ba APR FC, Mugabo Alex, yishimye akora ikimenyetso cyo kurasa Rayon Sports yoseUmusifuzi Ishimwe Jean Claude 'Cucuri' yaje gusaba abakinnyi ba APR FC bishimiraga igitego gusubira mu kibuga aba Rayon Sports bagatangiza umupiraMu gihe Bizimana Yannick yirukankaga asanganira abakinnyi bo ku ntebe bari bamutegereje ngo bamuhobere, aba Rayon Sports bo bari mu gahindaYasanganiwe na Rutahizamu Mugunga Yves wari witeguye kumukoza mu bicuMugunga Yves yatangiye guterura Bizimana YannickMugunga Yves ateruye Rutahizamu Bizimana Yannick wari umaze guhesha ikipe intsinzi imbere ya mukebaIbi byabaga agahinda ari kose kuri Kapiteni wa Rayon Sports, Samuel Ndizeye bamuteraga umuti umugabanyiriza uburibwe bw'urutuguAbafana ba Rayon Sports nyuma y'igitego cya Bizimana Yannick umurego wo gufana bawugabanyijeBibazaga aho igitego kiri buturukeAbavuzaga ingoma bageze aho barambika imirishyoAbafana ba APR FC bari bayobowe na Rujugiro bateraga amasari nk'ikimenyetso cy'abasirikare bayoboye urugambaKu rundi ruhande abafana ba APR FC bo bitereraga mu bicu kuko bari bayoboye umukinoNyuma y'igitego icyizere cyo kubona amanota atatu cyariyongereye ku bafana ba APR FCNyuma y'igitego, Myugariro Niyomugabo Claude yacishagamo agatinza umukinoUmunyezamu wa Rayon Sports, Hategekimana Bonheur, yagaruraga imipira yarenze ikibuga yirinda gutinza umukino ngo arebe ko wenda ikipe ye yakwishyuraMu minota ya nyuma y'umukino, kari agahinda ku bakinnyi ba Rayon Sports bari bamaze gutsindwa igitegoHari aho Umutoza wungirije wa Rayon Sports, Rwaka Claude atuzaga n'Umusifuzi wa Kane, Ruzindana NsoroAbakinnyi barimo Muvandimwe Jean Marie Vianney banyuzagamo bagafasha umutoza kugira inama abari mu kibuga ngo barebe ko babona igitegoUbwo ifirimbi ya nyuma yavugaga ku ruhande rwa APR FC bahoberanye biratinda. Umutoza Mukuru Ben Moussa; Team Manager, Maj Uwababyeyi Jean Paul ndetse n'Ushinzwe gucunga Ibikoresho by'ikipe, Nshimiyimana Steven bishimira urugamba bari bamaze gutsindaYahise ahoberana n'Umutoza we Mukuru Ben MoussaKari agahinda kuri Mbirizi Eric wa Rayon Sports wahise aryama mu kibugaUmukenya-Kenya ufasha abasatira izamu, Paul Were, na we ntiyabashije kubyakiraUshinzwe gucunga Ibikoresho bya APR FC, Habumugisha Erneste ''2PAC'' yapfukamye mu kibuga ahoberana n'Ushinzwe gusesengura Amashusho, Koko DichjekianAbakinnyi n'abaganga bagiye gushimira myugariro Niyomugabo Claude wigaragaje cyane muri uyu mukinoUshinzwe gucunga Ibikoresho bya APR FC, Habumugisha Erneste ''2PAC'', yazamuye ikiganza maze asoma Bibiliya akunze kwicarana kenshi ku ntebe y'abasimburaIraguha Hadji ukina hagati muri Rayon Sports ndetse uheruka gutoranywa nk'umukinnyi w'ukwezi k'Ugushyingo yasohotse mu kibuga arira kubera agahindaYerekeje mu rwambariro yipfutse mu maso kubera agahindaByari ibyishimo bidasanzwe ku Mutoza wa APR FC, Ben Moussa wigaruriye icyizere mu bafanaKapiteni Manishimwe Djabel ashimira abafana baje kubashyigikira kuri uyu mukinoYaba Umutoza Mukuru Ben Moussa n'Umusesenguzi w'Amashusho Koko Dichjekian bari bishimiye guhura n'abafana ba APR FC nyuma y'intsinziBen Moussa yakomeye amashyi abafana na bo baramwikirizaAbakinnyi ba APR FC barangajwe imbere n'Umunyezamu Ishimwe Jean Pierre na Kwizera Alain 'Bacca' ukina hagati baje kwishimana n'abafana ari naho bahereye bakata umuzikiKu rundi ruhande, Umusesenguzi w'Amashusho Koko Dichjekian, yateruye myugariro Niyigena Clement amukoza mu bicuWari umunsi w'ibyishimo kuri aba basore n'abatoza babo bakoze akazi gakomeye ko gutsindira mukeba kuri Stade ya Kigali yari yakubise yuzuyeRuboneka Bosco ukina hagati muri APR FC yuriye uruzitiro rwa Stade ya Kigali ngo ahure n'abafana bari basazwe n'ibyishimoUyu hari aho yabonye hari ikirori gishyushye ni ho yahise yimukiraYahise asanga bagenzi be ari bo Umunyezamu Ishimwe Jean Pierre na myugariro Niyomugabo Claude maze batangira gusabana n'abafanaBageze aho barusha imbaraga uruzitiro kuko bari bamaze kuba benshiByari ibyishimo ku Mutoza Ben Moussa ubwo yahoberaga Habumugisha Erneste ''2PAC'' Ushinzwe gucunga Ibikoresho bya APR FCKuri Mugisha Bonheur we yari afite urwibutso rw'umubyeyi we witabye Imana, amubwira ko aho ari akomeje kumuhesha ishemaMyugariro Niyomugabo Claude yashimiye cyane abafana bamweretse urukundo ndetse banamuhundagazaho amafarangaYabakoreye ikimenyetso ababwira ko abahoza ku mutima
Ibitekerezo 0