Amafoto utabonye y’umukino w’u Rwanda na RDC waranzwe no gufatana mu mashati ku bafana

Ikipe ‘Les Léopards’ ni yo yihariye iminota 90 y’umukino ndetse yabonye amahirwe menshi yo gutsinda ibitego, ariko ntiyahirwa kuko abasore b’Amavubi bakomeje kwirwanaho.

Ni umukino kandi wagiye urangwa no gushyamirana bya hato na hato hagati y’abafana b’ibi bihugu by’abaturanyi.

Umukino wo kwishyura uzabera kuri Stade des Martyrs i Kinshasa ku wa 20 Ugushyingo 2018. Ikipe izakomeza mu cyiciro gikurikiraho izahangana na Maroc.

Rwarutabura yabanje kuzenguruka umujyi wa Rubavu mbere y'umukino

Abafana ba Congo baje bitwaje ikirango cya TP Mazembe nk'ikimenyetso cyo kwerekana ko umupira wabo uri hejuru y'uw'u Rwanda

Izuba ryari ryinshi, umuntu yitwikiraga icyo abonye hafi

Imbangukiragutabara y'ibitaro bya Gisenyi yahagejejwe saa saba yiteguye gutabara uwo ariwe wese wakomerekera muri uyu mukino

Nkundamatch yabanje gukanga abanye-Congo

Abasifuzi babanje kureba niba amazamu yujuje ubuziranenge

Uyu yaje kureba ibendera ryo muri koruneri

Ararishingura areba neza niba ryujuje ubuziranenge

Itsinda ry'abasifuzi ryabanje kugenzura ubuziranenge bw'ikibuga

Abakinnyi bahamagawe mu ikipe y'igihugu ariko batashyizwe muri 18 bagombaga gukina, bagiye kwicara mu myanya y'icyubahiro

Uruhushya rwo kwinjira mu myanya y'icyubahiro ni uku rwari rwanditseho

Mutarambirwa Djabil umutoza wungirije muri Kiyovu Sports n'Amavubi y'abatarengeje imyaka 23 niwe watanze imyitozo yo gushyushya abakinnyi mbere y'umukino

Uyu mufana wa RDC yafataga amashusho y'ikipe ye irimo kwishyushya

Abakinnyi ba Repubulika Iharanira Demokarasi ya Congo bishyushya

Abatoza b'ikipe y'igihugu y'u Rwanda bava mu rwambariro bagana mu byicaro bagomba gutoza bicayemo

Umuyobozi wa tekiniki muri Ferwafa Habimana Hussein ava mu rwambariro nk'umwe mu bari bashinzwe imitegurire y'uyu mukino

Christian Nsengi utoza ikipe y'igihugu ya RDC mu byicaro bye ategereje ko umupira utangira

Christian Nsengi ahoberana na Jimmy Mulisa, umutoza mukuru w'ikipe y'igihugu y'u Rwanda y'abatarengeje imyaka 23

Umutoza wungirije we yabanje gukuramo ingofero

Umusatsi w'umwe mu batoza ba Congo ni uko wari uteye

Komiseri w'umukino, Umunya-Gabon Robert Mangollo M'Voulou niwe wayoboye amakipe yinjira mu kibuga

Abakinnyi ba Repubulika Iharanira Demokarasi ya Congo babanje mu kibuga, baririmba indirimbo y'igihugu cyabo

Abasimbura, abatoza n'abaganga ba RDC baririmbye indirimbo y'igihugu cyabo yitwa 'Debout Congolais'

Umutoza w'ikipe y'igihugu Christian Nsengi aririmba indirimbo y'igihugu ya RDC

Amavubi y'abari munsi y'imyaka 23 baririmba indirimbo y'igihugu y'u Rwanda

Umutoza wungirije Djabil Mutarambirwa (imbere) n'umutoza mukuru Jimmy Mulisa nabo baririmba 'Rwanda Nziza'

Mbere y'uko umukino utangira, abakinnyi b'abasimbura baje ku murongo gutera akanyabugabo abagiye kubanza mu kibuga; aha Nzeyurwanda Djihad ufatira Kiyovu Sports yabanje gukomeza Ntwari Fiacre wa APR FC

Myugariro akaba na kapiteni wa RDC Zola Arsène yateye inkokora Nshuti Innocent w'Amavubi

Umutoza Jimmy Mulisa umupira warengaga akawigarurira, atifuza ko hari umunota wapfa ubusa

Hagati mu gice cya kabiri haje kuvuka umwiryane hagati y'abafana ba RDC batahuye umunyarwanda wari ubihishemo

Polisi y'u Rwanda yahagobotse ikiza umunyarwanda wari wisanze hagati y'abanye-Congo

Abafana ba RDC ntibahwemye kuguma inyuma y'ikipe yabo kugeza ku munota wa nyuma

Umufana wa RDC ufite ubumuga bw'amaguru nawe yaje gushyigikira ikipe y'igihugu cye

Yahise aza yicara imbere y'idarapo ry'igihugu cye

Nubwo bari ku gasongero ka Stade Umuganda ariko ntibyababuzaga gufata amashusho na telefoni

Abakinnyi b'Amavubi bari ku ntebe y'abasimbura ntibigeze bagoheka bategereje igitego

Umutoza Jimmy Mulisa ni kenshi yajyaga kubaza umusifuzi wa kane, umunya-Côte d'Ivoire Allou Miessan ibyo mugenzi wabo wo hagati Kalilou Traoré Ibrahim ari kubakorera

Abakinnyi b'Amavubi bagiye barangwa n'imvune nyinshi muri uyu mukino

Ntwari Fiacre wa APR FC yagiye akuramo ibitego byabazwe

Aimable Nsabimana ukinira Minerva Punjab yo mu Buhinde yereka umunyezamu Ntwari Fiacre ko hari icupa riri mu kibuga

Ntwari yahise arijugunya hanze y'ikibuga

Jimmy Mulisa yitegereza iminota nk'amahirwe rukumbi yari asigaranye ngo ashake igitego cy'impozamarira

Jackson Muleka rutahizamu wa TP Mazembe, nyuma yo gushyirwa hasi na Mutsinzi Ange Jimmy ariko umusifuzi akabyirengagiza

Kayembe Alidor usanzwe ukinira FC Lupopo winjiye asimbuye, yahushije uburyo bwa nyuma ari nabwo umusifuzi yahise arangiza umukino

Ba myugariro b'Amavubi Mutsinzi Ange Jimmy na Buregeya Prince bashimira Imana ko barangije umukino amahoro nubwo nta ntsinzi yabonetse

Nyuma y'umukino, umutoza Jimmy Mulisa yashimiye umunyezamu wa gatatu akaba n'uwa Unity FC Cuzuzo Aimé Gaël ko yababaye inyuma n'ubwo atigeze agaragara mu bakinnyi 18

Christian Nsengi utoza RDC ntabwo yishimiye kuva mu Rwanda atabonye igitego

Ikipe ‘Les Léopards’ ni yo yihariye iminota 90 y’umukino ndetse yabonye amahirwe menshi yo gutsinda ibitego, ariko ntiyahirwa kuko abasore b’Amavubi bakomeje kwirwanaho.

Ni umukino kandi wagiye urangwa no gushyamirana bya hato na hato hagati y’abafana b’ibi bihugu by’abaturanyi.

Umukino wo kwishyura uzabera kuri Stade des Martyrs i Kinshasa ku wa 20 Ugushyingo 2018. Ikipe izakomeza mu cyiciro gikurikiraho izahangana na Maroc.

Ibitekerezo 0

Ibitekerezo 0