Nyuma y’aho umutoza w’Amagaju ahize kudatsindirwa mu rugo, APR FC yari yabuze intsinzi mu mikino ibiri iheruka yatsinze ibitego 2-1 igumana umwanya wa mbere mbere y’uko Rayon Sports ikina na AS Kigali kuri iki Cyumweru.

Ku munota wa 9, Muhindo Jean Pierre wavuye muri Etincelles yatsinze igitego cya mbere cyishyuwe na Mugiraneza Jean Baptiste naho icy’intsinzi cyinjizwa na Sekamana Maxime.

Mu mikino ine Amagaju yakiniye mu rugo yatsinze imikino ibiri, Espoir na Kiyovu Sports, inganya na AS Kigali na Police FC.

APR FC ni iya mbere n’amanota 23 ikurikiwe na Rayon Sports inganya na AS Kigali 18 zizakina kuri iki Cyumweru.

APR FC ni iya mbere ku rutonde rwa shampiyona n'amanota 23 irusha Rayon Sports na AS Kigali amanota 5 mbere yo gukina

Indi mikino yabaye, Police FC yatsinze Musanze kuri stade Ubworoherane igitego 1-0 cya Habyarimana Innocent mu gice cya mbere, naho Etincelles igwa miswi na Marines muri “Derby yo mu Bugoyi”.

Mukura VS yabonye intsinzi ya kabiri muri shampiyona itsinze Isonga FC zakurikiranaga ya nyuma ibitego 2-1. Mukura yatsindiwe na Amani Mgisho na Mahoro Nicolas.

Sunrise yanganyirije i Rusizi na Espoir 0-0.

Kuri iki Cyumweru, harasozwa imikino y’umunsi wa 10, Kiyovu Sports isure Gicumbi naho Rayon Sports kuri stade ya Kigali ikine na AS Kigali, amakipe yombi aranganya amanota 19 n’ibitego 9 bazogamye.