Aba ba myugariro bo ku mpande bivugwa ko bagiye kwerekeza muri Serbie mu igeragezwa. Umutoza wa APR FC Jimmy Mulisa yatangiye kubashakira abasimbura aha umwanya Dennis Rukundo ku ruhande rw’iburyo na Iranzi Jean Claude ku ruhande rw’ibumoso.

Kutagira aba bakinnyi n’abandi benshi basanzwe babanza mu kibuga barimo umunyezamu Kimenyi Yves, Buregeya Prince, Imran Nshimiyimana baruhukijwe, na Mugiraneza Jean Baptiste Migi wavunitse byahaye AS Kigali itozwa na Masudi Djuma kwigirira icyizere.

Ikipe y’Abanyamujyi yatangiye neza umukino ufungura igikombe cy’Intwari cyateguwe n'Urwego rw'Igihugu rushinzwe Intwari, Imidari n'Impeta by'ishimwe (CHENO), ku bufatanye na Ferwafa.

Gutangira isatira cyane kubera amakosa y’abakinnyi bo hagati ba APR FC na ba myugariro bayo byahesheje igitego AS Kigali hakiri kare ku munota wa 33 cyatsinzwe na Nshimiyimana Ibrahim.

Ni ku mupira yacomekewe neza na Nsabimana Eric Zidane, asigarana n'umunyezamu Ntwali Fiacre usanzwe ari umunyezamu wa gatatu wa APR FC, uyu rutahizamu AS Kigali yavanye muri Mukura VS ntiyazuyaza ahita amuhindukiza.

Gutsindwa igitego kare no guhushwa ibindi byinshi byatumye umutoza Jimmy Mulisa asimbuza mu gice cya mbere, ku munota wa 42 ubwo Maxime Sekamana yatangaga umwanya kuri Byiringiro Lague hagamijwe kongera imbaraga mu busatirizi ariko ntibyagira icyo bihindura igice cya mbere kirangira ari 1-0.

Mu gice cya kabiri APR FC yakoze impinduka nyinshi; Issa Bigirimana asimburwa na Evode Ntwali, Rukundo Dennis asimburwa na Michel Rusheshangoga, mu buryo budasanzwe Jimmy Mulisa anakuramo Byiringiro Lague wari wagiyemo asimbuye, amusimbuza Moustapha Nsengiyumva ariko byose ntibyabafasha kubona igitego nubwo mu gice cya kabiri habonetse amahirwe menshi.

Mu minota APR FC yagaragazaga ishyaka ryo gushaka igitego cyo kwishyura yahawe amakarita atatu y’umuhondo yayiciye intege kubera amakosa menshi ashingiye ku bwira Nizeyimana Mirafa, Byiringiro Lague na Muhadjiri Hakizimana bagaragazaga.

Ku munota wa 73 benshi baketse ko Muhadjiri Hakizimana agiye guhabwa ikarita itukura ku ikosa yakoreye Niyomugabo Jean Claude wahise anajyanwa kuvurirwa mu mbangukiragutabara, ariko umusifuzi Ngabonziza Jean Paul ntiyafata uyu mwanzuro.

Umukino warangiye APR FC itsinzwe 1-0 ugiye gukurikirwa n’ugiye guhuza Etincelles FC na Rayon Sports kuri Stade ya Kigali.

Abakinnyi 11 babanje mu kibuga ku mpande zombi

APR FC: Ntwali Fiacre, Rukundo Dennis, Songayingabo Shaffy, Iranzi Jean Claude, Rugwiro Herve (c), Nizeyimana Mirafa, Bigirimana Issa, Butera Andrew, Sugira Ernest, Muhadjiri Hakizimana, na Sekamana Maxime

AS Kigali: Bate Shamiru, Harerimana Rachid Leo, Niyomugabo Claude, Ngandu Omar, Bishira Latif, Ntate Djumaine, Ishimwe Kevin, Ntamuhanga Tumaine Titi, Nsabimana Eric Zidane, Ssentongo Faruk na Nshimiyimana Ibrahim

APR FC yari yiganjemo abakinnyi badasanzwe babanza mu kibuga
APR FC yari yiganjemo abakinnyi badasanzwe babanza mu kibuga
Abakinnyi 11 babanje mu kibuga muri AS Kigali baserutse mu mwenda mushya
Abakinnyi 11 babanje mu kibuga muri AS Kigali baserutse mu mwenda mushya
Abakinnyi ba AS Kigali bagaragazaga ishyaka ryinshi
Abakinnyi ba AS Kigali bagaragazaga ishyaka ryinshi
Abafana ku mpande zombi bakoze akazi kabo
Abafana ku mpande zombi bakoze akazi kabo
Ally Niyonzima wambaye amadarubindi ntabwo ari mu bakinnyi AS Kigali yakoresheje
Ally Niyonzima wambaye amadarubindi ntabwo ari mu bakinnyi AS Kigali yakoresheje
Bamwe mu bakunzi ba Rayon Sports bari bashyigikiye Masudi Djuma wabatoje
Bamwe mu bakunzi ba Rayon Sports bari bashyigikiye Masudi Djuma wabatoje
Bate Shamiru yagoye APR FC akuramo imipira yabazwe
Bate Shamiru yagoye APR FC akuramo imipira yabazwe
Byiringiro Lague yagiye mu kibuga asimbuye ariko ntiyagira icyo ahindura arongera arasimbuzwa
Byiringiro Lague yagiye mu kibuga asimbuye ariko ntiyagira icyo ahindura arongera arasimbuzwa
Byiringiro Lague yagiye mu kibuga asimbuye arongera arasimburwa
Byiringiro Lague yagiye mu kibuga asimbuye arongera arasimburwa
Gutangira nabi igikombe cy'Intwari ni agahinda kuri Herve Rugwiro
Gutangira nabi igikombe cy'Intwari ni agahinda kuri Herve Rugwiro
Gutsinda ikipe ikomeye nka APR FC biryohera benshi
Gutsinda ikipe ikomeye nka APR FC biryohera benshi
Jimmy Mulisa ntabwo yorohewe kuko atsinzwe imikino ibiri yikurikiranya, uwa Sunrise FC muri shampiyona n'uwa AS Kigali mu gikombe cy'Intwari
Jimmy Mulisa ntabwo yorohewe kuko atsinzwe imikino ibiri yikurikiranya, uwa Sunrise FC muri shampiyona n'uwa AS Kigali mu gikombe cy'Intwari
Lt.Gen Musemakweli Jacques uyobora APR FC areba abasore be
Lt.Gen Musemakweli Jacques uyobora APR FC areba abasore be
Masudi Djuma aba akomeza kwibutsa abakinnyi be amabwiriza
Masudi Djuma aba akomeza kwibutsa abakinnyi be amabwiriza
Masudi Djuma yakomezaga gusaba abakinnyi be gusatira nubwo bari babonye igitego
Masudi Djuma yakomezaga gusaba abakinnyi be gusatira nubwo bari babonye igitego
Mbere y'umukino abafana ba APR FC bari bafite icyizere
Mbere y'umukino abafana ba APR FC bari bafite icyizere
Mugiraneza Thierry bita Tizzo, umuhanzi wo muri Active ari mu bakunzi ba ruhago barebye uyu mukino
Mugiraneza Thierry bita Tizzo, umuhanzi wo muri Active ari mu bakunzi ba ruhago barebye uyu mukino
Muhadjiri Hakizimana yashakiye APR FC igitego cyo kwishyura ariko biranga
Muhadjiri Hakizimana yashakiye APR FC igitego cyo kwishyura ariko biranga
Nova Bayama AS Kigali yasinyishije avuye muri Rayon Sports (ibumoso) ntabwo yakinnye
Nova Bayama AS Kigali yasinyishije avuye muri Rayon Sports (ibumoso) ntabwo yakinnye
Ntalibi Steven ntabwo yumvaga uburyo batsinzwe
Ntalibi Steven ntabwo yumvaga uburyo batsinzwe
Ntwali Fiacre usanzwe ari umunyezamu wa gatatu niwe warindiye APR FC
Ntwali Fiacre usanzwe ari umunyezamu wa gatatu niwe warindiye APR FC
Nyuma y'umukino Mulisa na Masudi berekanye ko umupira atari intambara
Nyuma y'umukino Mulisa na Masudi berekanye ko umupira atari intambara
Olivier Karekezi waje mu Rwanda mu biruhuko yarebye uyu mukino ari kumwe n'umufasha we
Olivier Karekezi waje mu Rwanda mu biruhuko yarebye uyu mukino ari kumwe n'umufasha we
Igitego cyatsinzwe na Nshimiyimana Ibrahim
Igitego cyatsinzwe na Nshimiyimana Ibrahim
Uburyo Jimmy Mulisa yasimbuzaga ntabwo byanyuze abafana ba APR FC
Uburyo Jimmy Mulisa yasimbuzaga ntabwo byanyuze abafana ba APR FC
Ubwugarizi bwa APR FC bwari buyobowe na Herve Rugwiro ntabwo bwahagaze neza
Ubwugarizi bwa APR FC bwari buyobowe na Herve Rugwiro ntabwo bwahagaze neza
Umutoza wungirije wa Rayon Sports ukomoka muri Bresil Wagner do Nascimento Silva yageze i Kigali, aha yaganiraga na rutahizamu Raphael DaSilva
Umutoza wungirije wa Rayon Sports ukomoka muri Bresil Wagner do Nascimento Silva yageze i Kigali, aha yaganiraga na rutahizamu Raphael DaSilva

Amafoto: Ntare Julius