Amakipe yombi yahuriye kuri Wembley Stadium yakira imikino itatu isoza iri rushanwa rya FA Cup kuva mu mwaka w’imikino wa 2007/08.

Ikipe zombi zatangiye umukino ziganaho, ariko birangira Arsenal ibonye imahirwe kurusha Manchester City kuko yatsinze igitego cya mbere cya rutahizamu Pierre-Emerick Aubameyang ku munota wa 19, ku mupira wahinduwe na Nicolas Pépé.

Mu minota y’umukino yakurukiyeho Manchester City y’umutoza Pep Guardiola yatangiye igice cya kabiri isatira izamu rya Arsenal ishaka kwishyura, ariko uburyo bwabonywe n’abakinnyi bayo ntacyo bwatanze.

Ku umunota wa 71, Pierre-Emerick Aubameyang yongeye kureba mu izamu rya Manchester City, atsindira Arsenal igitego cya kabiri ku mupira yaraherejwe na Kieran Tierney.

Gutsinda uyu mukino byafashije Arsenal kugera ku mukino wa nyuma wa FA Cup ku nshuro ya 21, akaba ariyo kipe ihageze kenshi kurusha izindi ndetse niyo imaze kwegukana iri rushanwa kenshi (13).

Ku mukino wa nyuma, Arsenal izahura n’ikipe itsinda hagati ya Chelsea na Manchester United zihura kuri iki Cyumweru saa 19:00.

Aubameyang atera ishoti rikomeye ku mupira yari aherejwe na David Luiz

Pierre-Emerick Aubameyang afungura amazamu ku mupira wari uhinduwe na Nicolas Pépé

Aubameyang yishimira igitego cya mbere cya Arsenal

Kevin De Bruyne yagerageje kurema uburyo butandukanye ku ruhande rwa Manchester City, ariko ntacyo bwatanze

Pep Guardiola utoza Manchester City aha abakinnyi be amabwiriza mu mukino batsinzwemo na Arsenal F.C

Nicolas Pépé agerageza gukomezanya umupira, mu gihe Kyle Walker amusatira ashaka kuwumwambura

Pierre-Emerick Aubameyang yatsinze ibitego bibiri muri uyu mukino

Aubameyang na Hector Bellerin bishimira igitego cya kabiri

David Silva yahushije uburyo bwiza Manchester City yabonye

Raheem Sterling atera ishoti mu gihe David Luiz yageragezaga kwitambika

Arsenal yageze ku mukino wa nyuma wa FA Cup ku nshuro ya 21