Amakuru agera ku IGIHE avuga ko uyu mukinnyi yatawe muri yombi mu ijoro ryo kuri uyu wa Kabiri tariki ya 1 Werurwe 2022 nyuma yo gufatwa yarengeje amasaha yo gutaha anatwaye imodoka yanyweye inzoga.

Yannick Bizimana yasinye muri APR FC muri Kanama 2020 avuye mu ikipe ya Rayon Sports aguzwe miliyoni 20Frw.

Uyu Rutahizamu kugeza ubu afite ibitego umunani muri Shampiyona y’umupira w’amaguru mu Rwanda igeze mu gice cyayo cya nyuma.

Itabwa muri yombi rye ribaye mu gihe ku wa Gatandatu tariki 5 Werurwe 2022, APR FC izakina n’Ikipe ya Gasogi FC ku munsi wa 20 wa Shampiyona.

Rutahizamu wa APR FC, Bizimana Yannick yatawe muri yombi nyuma yo gufatwa na Polisi atwaye imodoka yanyweye ibisindisha