Arsenal yegukanye Premier League ku nshuro ya mbere mu myaka 22, nyuma y’aho Manchester City yanganyije na Bournemouth igitego 1-1.

Guverinoma ya Botswana yanditse ku rubuga rwa X inyomoza itangazo ryakozwe n’abafana ba Arsenal rivuga ko bahawe ikiruhuko cy’akazi ku wa Gatatu, tariki ya 20 Gicurasi 2026.

Muri iri tangazo, aba bafana bavuze ko bahawe ikiruhuko mu rwego rwo kwishimira Igikombe cya Shampiyona.

Ni mu gihe Guverinoma yarinyomoje igira iti “Oya. Nta kiruhuko gihari ku bafana ba Arsenal.”

Ntabwo ari muri Botswana gusa kuko mu bihugu bitandukanye ku Isi hakomeje kugaragara abafana ba The Gunners bishimira iki gikombe mu buryo budasanzwe.

Umukino wa nyuma wa Premier League, Arsenal izasura Crystal Palace ku Cyumweru, tariki ya 24 Gicurasi 2026.

Muri rusange, ni ku nshuro ya 14 Arsenal yegukanye Igikombe cya Shampiyona y’u Bwongereza, mu gihe ari Premier League ya kane yegukanye kuva yatangira gukinwa mu 1992/93.

Guverinoma ya Botswana yanyomoje abafana ba Arsenal bavuze ko yabahaye ikiruhuko cy'akazi mu rwego rwo kwishimira Premier League iyi kipe yegukanye
Guverinoma ya Botswana yanyomoje abafana ba Arsenal bavuze ko yabahaye ikiruhuko cy'akazi mu rwego rwo kwishimira Premier League iyi kipe yegukanye