Espagne n’u Buholande birakina umukino wa mbere wo mu itsinda B w’igikombe cy’Isi mu gihe aya makipe yombi yakinnye umukino wa nyuma w’igikombe cy’Isi 2010 muri Afurika y’Epfo.
Uyu mukino uratangira saa 21.00 ubere kuri Arena Fonte Nova muri Salvador. Ni ku nshuro ya mbere, amakipe yombi yakinnye umukino wa nyuma w’igikombe cy’Isi ahurira ku mukino ubanza wo mu matsinda.
Rutahizamu wa Espagne ukomoka muri Brazil, Diego Costa ukinira Atleteico Madrid wari uhanganye n’imvune shampiyona zirangira, ubu ni mutaraga.
Umuholande Jonathan de Guzman wari wavunitse yakize, Wesley Sneijder yuzuza umukino wa 100 mu ikipe y’igihugu.
Rutahizamu wa United, Robin van Persie wari wazonzwe n’imvune na forme ashobora gutangira uyu mukino.
Umutoza w’u Buholande, Louis van Gaal avuga ko Espagne ishobora kuba igikina umukino mwiza gusa kwihorera kuracyahari.
Yagize ati "Hari inzira imwe yo gutsinda Espagne, ugomba kuzibira muri gice. Mfite icyizere cyo kuza kwitwara neza nubwo Espagne nayo yaba yugarira."
Espagne ishobora kutagira impinduka nyinshi ku ikipe yakinnye umukino wa nyuma w’igikombe cy’i Burayi.
Nibura abakinnyi 16 ba Espagne bari mu gikombe cy’Isi cyo muri Afurika y’Epfo baracyari muri iyi kipe aho bari ku kigereranyo cy’imikino 60 mu gihe u Buholande hagarutse barindwi gusa.
Mu nshuro 10 bahuye, Espagne yatsinzemo eshanu banganya imwe mu mukino wa gicuti w’i Barcelona mu 1987.
Mu gikombe cy’Isi aya makipe yahuye gusa, mu 2010 Espagne itsinda igitego 1-0 cya Andreas Iniesta. Hatanzwemo amakarita 14 y’umuhondo 9 ahabwa u Buholande n’umusifuzi Howard Webb.
Mu bikombe by’Isi 10 Espagne yitabiriye yatsinze umukino ubanza inshuro eshatu inganya 4. Mu 2010 yatsinzwe n’u Busuwisi, iba ikipe ya mbere itsinzwe umukino ubanza igatwara igikombe.
Mu gihe Casillas yaba adatsinzwe igitego yaca agahigo k’umunyezamu w’umutaliyani Walter Zenga wamaze iminota 517 mu 1990 atarinjizwa igitego, Casillas amaze 433.
Abakinnyi 11 bashobora kubanzamo
TANGA IGITEKEREZO