Kuva mu 1987 Real Madrid ntirashobora gusezerera ikipe yo mu Butaliyani mu marushanwa yo ku mugabane w’u Burayi yagiye abahuza, kuko muri uwo mwaka, ikipe ya Real Madrid yatsinzwe ibitego bitanu ku busa na AC Milan muri ½ cya European Cup, mu mukino wo kwishyura amakipe yombi agwa miswi igitego kimwe kuri kimwe, naho mu mwaka wakurikiye, AC Milan yongeye kuyisubira, iyisezerera muri ¼.

Mu mwaka wa 1992, Real Madrid yasezerewe na Torino muri Uefa Cup nyuma yo gutsindwa ibitego bibiri ku busa, nyamara mu mukino ubanza Real Madrid yari yabonye intsinzi ya bibiri kuri kimwe, nyuma iyo kipe ifite ibikombe byinshi bya Champions League yasezerewe inshuro ishatu muri iryo rushanwa na Juventus mu myaka yakuriye, ndetse no ku mukino wa nyuma mu 1998.

Nyuma yo gutsindira AS Roma iwayo ibitego bibiri ku busa, Zidane ashobora guhindura amateka yakomeje kuba mabi ku ikipe ya Real Madrid imbere y’amakipe yo mu Butaliyani, nyuma yaho umwaka ushize isezererewe na Juventus muri ½.

Uyu wari umukino wa Mbere Zinedine Zidane atoje Real Madrid mu irushanwa rya Champions League kuva yayihabwa asimbuye Benitez muri Mutarama uyu mwaka. Cristiano Ronaldo niwe watsinzwe igitego cya mbere ku munota wa 57 na Jesse Rodriguez ku munota wa 86.

Kugira ngo AS Roma isezerere Real Madrid, irasabwa kuzayitsindira muri Espagne nibura ibitego bitatu ku busa, mu mukino wo kwishyura uzaba tariki 8 Werurwe 2016.

Mu wundi mukino wabaye, ikipe ya Gent yo mu Bubiligi yatsindiwe iwayo ibitego bitatu kuri bibiri na Wolfsburg yo mu Budage, mu mukino utari woroshye ku mpande zombi.

Cristiano Ronaldo niwe watsinzwe igitego cya mbere ku munota wa 57

Nyuma yo gutsinda igitego, Cristiano na kapiteni Ramos bagiye kwishimana n'umutoza Zidane

Mohamed Salah wahoze muri Chelsea yagiye agerageza amahirwe menshi ariko bikanga

James Rodriguez ni umukino wa kabiri yakinaga nyuma y'imvune yari amaranye igihe

Jesse yatsinze igitego cya kabiri ku munota wa 86 yinjiye mu kubuga asimbuye

Jesse yishimira igitego cye cya mbere muri Champions League

Ba myugariro ba AS Roma ntibumvaga ibibabayeho, gutsindwa ibitegi bibiri kandi mu gice cya mbere bari bihagazeho

James Rodriguez ni umukino wa kabiri yakinaga nyuma y'imvune yari amaranye igihe

Mu mateka ya Zidane nk'umukinnyi harimo igitego yatsinze ku mukino wa nyuma wa Champions League 2002 bakina na Bayern Leverkusen