Igitego kimwe rukumbi cyabonetse mu gice cya mbere gitsinzwe na Ifeanyi Matthew nicyo cyabujije inzovu za Côte d’Ivoire gutahana itsinzi mbere y’iminsi itanu ngo zihure n’Amavubi y’u Rwanda yo yatsinze Ingwe za Congo igitego 1-0 kuri iki Cyumweru.

Uyu ni umukino wa kabiri wa gishuti Côte d’Ivoire itabasha gutsinda mu kwitegura CHAN, nyuma yo kunganya na Guinea igitego 1-1 mu wundi mukino wabaye kuwa Gatanu w’icyumweru gishize.

Amavubi yo mu mikino ibiri yakinnye yitegura irushanwa rya CHAN 2016 rizatangira kuri uyu wa Gatandatu itariki ya 16 Mutarama ikarangira ku ya 7 Gashyantare yanganyije na Cameroon 1-1 kuwa Gatatu w’icyumweru gishize mu mukino wa kabiri ku Cyumweru, atsinda RDC igitego 1-0, imikino yose yabereye i Rubavu.