Munyemana Hudu wabaye umusifuzi mpuzamahanga kuva mu 2011 azayobora uyu mukino afatanyije na Hakizimana Ambroise na Karangwa Justin naho Kagabo Issa abe umusifuzi wa kane.

Aba bateregejwe kugera muri Zanzibar kuri uyu wa Gatanu kimwe na komiseri w’uyu mukino, Umunyekanya Nicholas Musonye.

Kuri uyu wa Kane nibwo abakinnyi 21 ba Tanzania bavuye i Dar Es Salaam berekeza muri Zanzibar mu gihe umutoza wa Uganda Miltun Micho yahagurukanye Entebbe abakinnyi 18.

Munyemana Hudu azasifura umukino w'amajonjora ya CHAN uzahuza Tanzania na Uganda kuri uyu wa Gatandatu muri Zanzibar

Kuri uyu wa Gatandatu nibwo ibihugu 42 bitangira guhatanira imyanya 15 yo gukina CHAN izabera mu Rwanda mu 2016 kuva tariki ya 16 Mutarama – 7 Gashyantare 2016, igikombe gikinwa n’abakinnyi bakina mu bihugu byabo.

Imikino yo kwishyura izakinwa mu matariki ya 3-5 Nyakanga 2015.

Mu bihugu 16 byakinnye CHAN ya 2014 muri Afurika y’Epfo, 13 nibyo bishobora kubona itike yo kuza mu Rwanda kuko bimwe bizahura hagati yabyo mu majonjora nka Mali na Mauritania, Burundi buzahura na Ethiopia naho Nigeria ikine na Burkina Faso.

Mu gihe ibindi bihugu biri mu majonjora, biteganyijwe ko Amavubi azakira iki gikombe, azakina umukino wa gicuti n’Afurika y’Epfo tariki ya 25 Nyakanga 2015 bahite bajya mu mwiherero w’ibyumweru bitatu muri Ecosse kuva tariki ya 2 Kanama 2015.

Munyemana ni umusifuzi mpuzamahanga wemewe na FIFA kuva mu 2011

Kuwa Gatanu, tariki ya 19 Kamena 2015

Mauritania v Sierra Leone

Guinea v Liberia

Djibouti v Burundi

Mozambique v Seychelles

Guinea Bissau v Mali

Senegal v Gambia

Ku Cyumweru, 20 Kamena 2015

Afurika y’epfo v Mauritius

Zimbabwe v Comoros

Namibia v Zambia

Tanzania v Uganda

Ku Cyumweru, tariki ya 21 Kamena 2015

Ethiopia v Kenya

Lesotho v Botswana

Swaziland v Angola