Ni nyuma y’umukino wayihuzaga n’ikipe ya Crystal Palace aho Chelsea ibifashijwemo na Eden Hazard yatsinze igitego kimwe ku busa.

Gutsinda Crystal Palace byatumye Chelsea isiga amanota 16 andi makipe ayikurikiye arimo Manchester City na Arsenal. Nubwo Chelsea yatsindwa imikino yose isigaye, nta kipe n’imwe ishobora kuba yakuramo ikinyuranyo cy’amanota ayitandukanije n’andi.

Chelsea yatwaye igikombe n’amanota 83 mu gihe Manchester City iri ku mwanya wa kabiri n’amanota 67 inganya na Arsenal iri ku mwanya wa gatatu.

Kibaye igikombe cya gatatu iyo kipe yo mu mujyi wa Londre yegukanye iri kumwe n’umutoza Jose Mourinho, kuko yari yagitwaye muri 2004-2005, 2005-2006 na 2014-2015.

Hazard yagize uruhare rukomeye mu rugendo rwa Chelsea rugana ku gikombe

Didier Drogba yasazwe n'ibyishimo nyuma yo gutwara igikombe

Mourinho yegukanye igikombe cye cya gatatu muri Chelsea

Umuherwe wa Chelsea, Roman Abramovich (wambaye ikoti rya kaki) yishimira ikipe ye

Abakinnyi ba Chelsea bishimiye gutwara Shampiyona