Real Madrid ibashije kugera ku mukino wa nyuma muri uyu mwaka, yaba ikoze amateka yo kuba iwugezeho ku nshuro ya gatatu mu myaka ine kuko mu 2014 yatwaye igikombe itsinze Atletico Madrid, uwakurikiyeho isezererwa na Juventus naho ushize ikaba yaragitwariye i Milan mu Butaliyani itsinze na none mukeba Atletico Madrid.

Kuri uyu wa kabiri urugendo rwerekeza i Cardiff ku mukino wa nyuma rwahiriye Cristiano Ronaldo wabonye ibitego bitatu ikipe ye yatsinze Atletico Madrid mu mukino ubanza w’iri rushanwa.

Ni umukino wabereye ku kibuga cya Real Madrid i Santiago Bernabeu aho wari ukirikiwe na miliyoni amagana z’abatuye Isi. Cristiano yakoze amateka akomeye ahesha ikipe ye intsinzi y’ibitego bitatu byabonetse muri uyu mukino nyir’izina anabasha kugira ibitego 103 muri iri rushanwa.

Kuri uyu wa Gatatu hateganyijwe umukino uhuza AS Monaco na Juventus yo mu Butaliyani naho imikino yo kwishyura ikazaba mu cyumweru gitaha.