Igikombe cy’Isi cy’Abakanyujijeho muri Ruhago ku Isi [Veteran Clubs World Championship-VCWC] n’ibikorwa bigishamikiyeho biteganyijwe kubera i Kigali tariki 1-10 Nzeri 2024.
Kuri uyu wa Kabiri, tariki ya 14 Gicurasi 2024, ubuyobozi bwa VCWC buri gutegura iri rushanwa bwanyujije ubutumwa ku mbuga nkoranyambaga butangaza ko mu gihe cya vuba hagiye gutangazwa urutonde rw’abakinnyi basigaye bazaryitabira.
Muri abo harimo Umufaransa w’Umunya-Argentine, David Trezeguet, wakanyujijeho mu makipe akomeye mu Bufaransa ndetse n’ikipe y’Igihugu ya Les Bleus.
Iyi kipe yayandikiyemo amateka akomeye kuko ari umwe mu bayifashije gutwara Igikombe cy’Isi cyo mu 1998 ndetse no gusoreza ku mwanya wa kabiri w’iri rushanwa rihatse ayandi ku Isi mu 2006.
Si iri rushanwa yatwaranye nayo kuko uyu mukinnyi wakinaga nka rutahizamu yafatanyije na yo gutwara Igikombe cy’u Burayi cya Euro 2008.
Andi makipe yanyuzemo harimo AS Monaco yatwaranye nayo Trophée des Champions mu 1997, Juventus yafashije gutwara Serie A mu mwaka w’imikino wa 2001-02 anaba umukinnyi mwiza w’irushanwa na 2003.
Uyu mukinnyi yiyongereye ku barimo Umunya-Brésil, Ronaldinho Gaúcho, Bacary Sagna, Gaizka Mendieta, Miguela Pauleta, Robert Pirès, José Edmílson, Jay-Jay Okocha, Edgar Davids, Roger Milla n’abandi.
Igikombe cy’Isi cy’Abakanyujijeho muri Ruhago ni cyo gikorwa cya siporo cyagutse mu bihuza abatagikina.
Ni irushanwa ritazashingira mu kibuga gusa, ahubwo rizinjiriza n’igihugu, binyuze mu bikorwa by’ubucuruzi n’ubukerarugendo.
Muri VCWC hanateguwe inama zitandukanye, ibikorwa by’imyidagaduro birimo kumurika imideli, ibitaramo, amamurikagurisha n’ibindi bizitabirwa n’abarenga 5000.
🚨ALL STAR OF THE DAY🚨
2x🇫🇷Chmp. @AS_Monaco
2x 🇮🇹Champ and Super cup winner @Juve_France
1998 FIFA World Cup Champion and
2000 UEFA European Champion @equipedefranceLadies and gentlemen, the one and only,
DAVID TREZEGUET💫🥳Tickets on: https://t.co/UEySkw1ZP2 pic.twitter.com/nQXygSypvy
— Veteran Clubs World Championship (@VCWC2024) May 14, 2024
TANGA IGITEKEREZO
AMATEGEKO AGENGA IYANDIKA RY'IGITEKEREZO CYAWE
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni, Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe. Ibi bidakurikijwe igitekerezo cyanyu gishobora kutagaragara hano cyangwa kigasibwa.
Igitekerezo cyawe kigaragara nyuma y'isuzuma rikorwa na IGIHE.com , Murakoze!