Espagne ifite ibikombe bibiri bya Euro biheruka yasezerewe muri 1/8 nyuma yo gutsindwa ibitego bibiri ku busa.
Igitego cya mbere cy’u Butaliyani cyabonetse ku munota wa 35 gitsinzwe na myugariro w’ikipe ya Juventus, Giorgio Chiellini.
Ikipe ya Espagne yagerageje kotsa Abataliyani igitutu ariko ba myugariro ndetse n’umunyezamu Buffon bakomeza kubabera ibamba.
Amahirwe ya Espagne yaje kuyoyoka ku munota wa nyuma, ubwo Graziano Pelle ukinira ikipe ya Southampton yo mu Bwongereza yatsindaga igitego cya kabiri gishimangira intsinzi.
Ikipe ya Espagne ihise isezererwa ikurikira u Busuwisi, Ireland y’Amajyaruguru, Croatia, Repubulika ya Ireland, Slovakia na Hungary, zose zamaze gusezererwa muri 1/8.
Ikipe y’igihugu y’u Butaliyani yiyongereye ku makipe nka Portugal, Wales, Pologne, u Bufaransa, u Budage n’u Bubiligi zamaze kubona itike ya ¼.
Uko imikino ya ¼ iteganyijwe
Kuwa Kane, tariki 30 Kamena 2016 : Portugal vs Pologne (Marseille)
Kuwa Gatanu, tariki 1 Nyakanga 2016 : Wales vs u Bubiligi(Lille)
Kuwa Gatandatu tariki 2 Nyakanga 2016 : U Budage vs U Butaliyani (Bordeaux)
Ku cyumweru tariki 3 Nyakanga 2016 : U Bufaransa vs ikipe izava hagati y’u Bwongereza na Iceland (Saint-Denis)
TANGA IGITEKEREZO