Ku wa 11 Nzeri 2026 ni bwo ikipe y’Ingabo z’Igihugu yakinnye umukino wo kwishyura mu ijonjora ry’ibanze rya CAF Champions League 2026.

Ni umukino APR FC yitwayemo neza nyuma yo gutsindirwa muri RDC igitego 1-0, yacyishyuye irenzaho n’ibindi, ikomeza ku giteranyo cy’ibitego 3-1.

Umukino ukirangira, Gen Mubarakh Muganga yagiye mu rwambariro gusohoza isezerano yagiranye n’abakinnyi, buri wese amuha ibahasha irimo amafaranga bivugwa ko ari hagati 400$ na 500$.

🚨AMAKURU AGEZWEHO🚨

Umugaba Mukuru w'Ingabo z'u Rwanda akaba na Chairman Wungirije w'Icyubahiro wa APR FC, Gen Mubarakh Muganga, yasanze abakinnyi mu rwambariro abaha agahimbazamusyi bemerewe kubera gusezerera Les Aigles du Congo yo muri RDC muri CAF Champions League.… pic.twitter.com/zloVMRugTV

— IGIHE Sports (@IGIHESports) September 11, 2026

Iri ni ishimwe ryihariye yabahaye, mbere y’uko ikipe na yo ibaha agahimbazamusyi ko gutsinda uyu mukino. Aka kazabageraho tariki ya 14 Nzeri 2026.

Mu ijonjora rya nyuma rigana mu matsinda, rizakinwa mu Ukwakira 2026, APR FC izahura n’ikipe izakomeza hagati ya Zamalek SC na AS Port yo muri Djibouti.

APR FC yageze mu ijonjora rya kabiri rya CAF Champions League

Abayobozi bakuru mu Ngabo z'u Rwanda bashyigikiye APR muri uyu mukino

Gen Mubarakh Muganga yageneye ishimwe abakinnyi ba APR FC basezereye Les Aigles du Congo