Ikipe ya Gor Mahia yatwaye igikombe cya shampiyona muri Kenya idatsinzwe umukino n’umwe umwaka ushize, yatsinzwe na CNaPs Sports ibitego bibiri kuri kimwe mu mukino ubanza wabereye mu rugo tariki 23 uku kwezi kuri Nyayo National Stadium.

Mu gihe umutoza Frank Nutall wa Gor mahia yari yatangaje ko bazasezerera iyo kipe mu mukino wa kabiri ntibyabahiriye kuko batsindiwe muri Madagascar igitego kimwe ku busa.

Ni mu gihe bari bashoye miliyoni zirenga 100 bagura abakinnyi barimo na Jacques Tuyisenge watanzweho ibihumbi 40 by’amadolali ya Amerika ava muri Police FC.

Tuyisenge wari witezweho kuziba icyuho cya ba rutahizamu iyi kipe yatakaje bayifashije umwaka ushize barimo na Kagere Meddie, nta mukino n’umwe arakina kubera ibibazo by’imvune yakuye mu mikino ya CHAN bikaba biteganyijwe ko ashobora kugaruka mu kibuga mu gihe cy’ibyumweru bibiri.

Gor Mahia yasezerewe mu mikino ya Champions League rugikubita