Ubwo IGIHE yasuraga iyi stade, Meya w’Akarere ka Gicumbi, Nzabonimpa Emmanuel yagarutse kuri byinshi biteganyijwe gukorwa.

Ati “Imirimo yo gushyiramo ‘tapis synthétique’ iri kugana ku musozo igeze nko kuri 98%. Aho abafana bazicara ho hamaze gukorwa. Ikindi Minisitiri wa Siporo yatwemereye ko izanacanirwa kugira ngo imikino ijye ibasha gukinwa amanywa n’ijoro.”

Yakomeje avuga ko iyi stade izaba yakira abafana ibihumbi bitanu.

Ati “Turashaka kandi kuzasakara igice kinini cy’imyanya y’icyubahiro kuko twifuza ko niyuzura izajya yakira abafana ibihumbi bitanu bicaye neza.”

Uyu muyobozi kandi yagaragaje imvune zari mu kwimurira Gicumbi FC i Kigali.

Ati “Byari bikomeye cyane kwimura ikipe icyo ushaka cyose cyasabaga amafaranga. Ndashimira Njyanama y’Akarere kuko twiyemeje ko uko abakozi duhembwe n’abakinnyi bagombaga guhemba.”

Yakomeje agira ati “Byari bikomeye cyane kwimurira ikipe i Kigali ndetse umusaruro twagize utwemerera kuguma mu Cyiciro cya Mbere. Bigaragaza ko ubwo tuzaba twasubiye mu rugo amakipe azajya aza yikandagira.”

Gicumbi FC yasubiye mu Cyiciro cya Mbere muri uyu mwaka w’imikino, mu gihe Shampiyona iri kugana ku musozo iri ku mwanya wa 13 n’amanota 35.

Aka karere kandi kazwiho gukunda imikino, gafite n’ikipe y’abagore ya Inyemera WFC na Gicumbi Handball Club.

Abafana bazaba babasha kureba umukino neza
Abafana bazaba babasha kureba umukino neza
Iyi myanya izakira abafana ibihumbi bine
Iyi myanya izakira abafana ibihumbi bine
Ahazajya hatererwa koruneri
Ahazajya hatererwa koruneri
Ibice by'amapine bishyirwa muri tapis
Ibice by'amapine bishyirwa muri tapis
Imirimo iri kugana ku musozo
Imirimo iri kugana ku musozo
Ahazashingwa amazamu
Ahazashingwa amazamu
Imyamya y'icyubahiro izavugurwa ndetse inongerwe
Imyamya y'icyubahiro izavugurwa ndetse inongerwe
Amatara asazimbuzwa hashyirweho azabasha gucanira ikibuga mu ijoro
Amatara asazimbuzwa hashyirweho azabasha gucanira ikibuga mu ijoro
Ahateganyijwe imyanya isanzwe y'abafana
Ahateganyijwe imyanya isanzwe y'abafana
Ahakarabirwa intoki
Ahakarabirwa intoki
Imbere mu rwambariro ni uku hameze
Imbere mu rwambariro ni uku hameze
Urwambariro ruzavugururwa
Urwambariro ruzavugururwa
Abaturage bahawe imirimo mu kuvugurura iyi stade
Abaturage bahawe imirimo mu kuvugurura iyi stade
Imashini itunganya ikibuga inyuzwamo kenshi
Imashini itunganya ikibuga inyuzwamo kenshi
Hanze ya Stade ni uku hameze
Hanze ya Stade ni uku hameze
Meya w'Akarere ka Gicumbi, Nzabonimpa Emmanuel yavuze ko iyi stade azatahwa ku mugaragarao ku munsi wo kwibohora, tariki ya 4 Nyakanga 2026
Meya w'Akarere ka Gicumbi, Nzabonimpa Emmanuel yavuze ko iyi stade azatahwa ku mugaragarao ku munsi wo kwibohora, tariki ya 4 Nyakanga 2026

Amafoto: Umwari Sandrine
Video: Ndacyayisenga Emmanuel