Ibi bije mu gihe hashize iminsi bizwi ko Niyonzima yamaze kwirukanwa muri Young Africans nk’uko byari byanatangajwe n’ubuyobozi bukuru bw’iyi kipe mu kiganiro bwagiranye n’itangazamakuru mu cyumweru gishize.

Kuri ubu bisa naho byamaze guhinduka nyuma yaho iyi kipe itanze Haruna Niyonzima ku rutonde rw’abakinnyi izifashisha mu mikino ya Champions league.

Kuri uru rutonde, Haruna Niyonzima, Kapiteni w’ikipe y’igihugu y’u Rwanda Amavubi akaba na kapiteni wungirije muri Young Africans aragaragara mu bakinnyi bane basanzwe bakina hagati mu kibuga.

Young Africans izatangira iyi mikino ihura na Cercle de Joakim yo mu birwa bya Maurice hagati ya tariki 12 na 14 Gashyantare 2016 mu mukino ubanza naho umukino wo kwishyura ukazaba hagati ya tariki 26 na 28 Ugushyingo 2016.

Mu gihe yaramuka itsinze imikino ibiri izakina na Cercle de Joakim, izahura n’izarokoka hagati ya APR FC na Mbabane Swallows yo muri Swaziland.

Abakinnyi 24 Young Africans yatanze muri CAF

Mu izamu: Ally Moustapha, Deogratius Munishi, Benedict Tinocco.

Ba myugariro: Nadir Haroub Alli, Yondani Kelvin, Mwinyi Hadji, Nyongani Pato, Bossou Vincent, Abdoul Djuma, Mobutu Twite, Joshua Oscar.

Abo hagati: Haruna Niyonzima, Kamusoko Thabana, Said Djuma, Salum Telela.

Ba rutahizamu: Ngoma Donald, Hamisi Tambwe, Simon Msuva, Mwashiuya Geoffrey, Nonga Paul, Malimi Bosungu, Biubakar Issouffou, Mature Simon, Baseke Deus.

Haruna Niyonzima yashyizwe mu bakinnyi Young Africans izakinisha muri CAF Champions League

Haruna Niyonzima akina nk'umukinnyi wo hagati muri Young Africans

Haruna ahanganye n'umukinnyi wa Azam