Ni mu mikino ya nyuma y’igikombe cy’Afurika gikinwa n’abakinnyi bakina imbere mu bihugu (CHAN) izatangira mu Rwanda ku itariki 16 Mutarama kugeza kuri 7 Gashyantare umwaka utaha wa 2016.

Aya makipe yandi yamaze kubona iyi tike, ni Zambia, Angola, Nigeria, Guinea, Ethiopia, Gabon, Zimbabwe, Lesotho, Uganda na Mali, naho igihugu cy’u Burundi cyo cyasezerewe na Ethiopia nyuma yo gutsindirwa ibitego 3-0 i Addis Abeba, nyamara i Bujumbura, u Burundi bwari bwatsinze ibitego 2-0. Aya makipe yiyongeraho u Rwanda, Maroc, Tunisia na DRC zicaranye iyi tike.

Igihugu cy’abaturanyi cya Uganda kizaza kiyobowe n’umutoza Micho wahoze atoza Amavubi akirukanwa nabi, akerekeza mu Misambi ya Uganda.

Hasigaye kumenyekana andi makipe abiri azuzuza umubare w’amakipe 16 azaba ahatanira iki gikombe. Imikino ibiri isigaye izahuza Congo Brazaville na Cameroun, undi uhuze Côte d’Ivoire na Ghana.

Iyi mikino izakinwa mu mpera z’iki cyumweru, yasubitswe kubera amatora y’Umukuru w’Igihugu muri Côte d’Ivoire, ndetse na gahunda yo guhindura Itegeko Nshinga muri Congo Brazaville.

Uko imikino yo gushaka itike ya CHAN 2016 yagenze:
Kuwa Gatandatu:
• Mauritania 1–1 Mali (1-2)
• Sénégal 3–1 Guinea (0-2)
• Gabon 0–1 Tchad (2-0)
• Angola 1–2 Afurika y’Epfo (2-0)

Ku cyumweru:
• Ethiopia 3–0 Burundi (0-2)
• Burkina Faso 0–0 Nigeria (0-2)
• Togo 1–1 Niger (0-2)
• Mozambique 1–1 Zambia (0-3)
• Sudan 0–2 Uganda (0-2)
• Lesotho 1–1 Zimbabwe (1-3)
• Tunisia 2-3 Maroc

Amakipe asigaye gukina:
• Congo – Cameroun (0-0, umukino ubanza)
• Côte d’Ivoire – Ghana (1-2, umukino ubanza)

Ikipe ya Uganda yasazwe n'ibyishimo nyuma yo kubona itike ya CHAN izabera mu Rwanda

Ethiopia yasezereye u Burundi ihita ibona itike iyizana i Kigali