Hari ku munota wa 76 mu mukino w'Umunsi wa 14 wa Shampiyona, AS Kigali yakiriyemo ndetse inatsinda Rayon Sports ibitego 2-1 ku wa Gatandatu, tariki 9 Ukuboza 2023, kuri Kigali Pelé Stadium.

Ubwo umukinnyi wo ku mpande muri Rayon Sports, Tuyisenge Arsène yageragezaga kwinjirana umupira ashaka gutaka ngo yinjire mu rubuga rw'amahina, yatewe umuserebeko na Akayezu Jean Bosco wa AS Kigali.

Akayezu wari wabonye ikarita y'umuhondo ya mbere kubera gutinda kurengura umupira ku munota wa 62, yahise adunda umupira hasi kubera ko yari asifuriwe iri kosa rya kabiri atemera, yari azi ko rishobora gutuma asohoka mu kibuga.

Uyu myugariro akimara gusifurwa iri kosa, abakinnyi ba Rayon Sports bazengurutse Umusifuzi Umutoni Aline bamusaba kumuha ikarita itukura cyangwa iya kabiri y'umuhondo.

Akayezu yabonye ko Umutoni agiye kuyikura mu mufuka, maze aramutakambira amusaba kumubabarira akayisubizamo.

Muri uku gutakamba, Akayezu yakoze ku gituza cya Umutoni amusaba gusubiza hasi ukuboko kwari kwinjiye mu mufuka kuyikuramo.

Ntacyo byaje gutanga kuko n'ubundi yayeretswe ndetse Umusifuzi Umutoni Aline akora mu mufuka w'ikabutura akuramo iy'umutuku nayo arayimwereka, biba ngombwa ko asohoka mu kibuga, abakinnyi ba AS Kigali barangiza umukino ari 10.

Akayezu Jean Bosco azasiba umukino uzakurikiraho w'Umunsi wa 15 wa Shampiyona aho Abanyamujyi bazakirwa na Muhazi United kuri Stade ya Ngoma tariki 12 Ukuboza 2022.

Nubwo AS Kigali yasigaye ari abakinnyi bake mu kibuga, yashoje umukino itsinze Rayon Sports ibitego 2-1 byose byabonetse mu gice cya mbere aho Abanyamujyi batsindiwe na Erisa Ssekisambu naho Gikundiro igatsindirwa na Muhire Kevin.

AS Kigali yari imaze imikino irindwi idatsinda, yagize amanota 14 ku mwanya wa 13 mu gihe Rayon Sports yagumanye amanota 26 ku mwanya wa kane, irushwa ane na APR FC ya mbere.

Akayezu Jean Bosco akurikiye Tuyisenge Arsène wari umaze gukata ashaka kwinjira mu rubuga rw'amahina
Akayezu Jean Bosco akurikiye Tuyisenge Arsène wari umaze gukata ashaka kwinjira mu rubuga rw'amahina
Akayezu yagushije Arsène, umusifuzi asifura iri kosa ryari hafi y'urubuga rw'amahina
Akayezu yagushije Arsène, umusifuzi asifura iri kosa ryari hafi y'urubuga rw'amahina
Umutoni Aline yerekana aho ikosa ryabereye mu gihe Bugingo Hakim wa Rayon Sports yamubwiraga ko Akayezu akwiye ikarita
Umutoni Aline yerekana aho ikosa ryabereye mu gihe Bugingo Hakim wa Rayon Sports yamubwiraga ko Akayezu akwiye ikarita
Akayezu wari umaze kudunda umupira atemera ikosa, yigizwayo na Ntirushwa Aimé bakinana
Akayezu wari umaze kudunda umupira atemera ikosa, yigizwayo na Ntirushwa Aimé bakinana
Abakinnyi ba Rayon Sports barimo Rwatubyaye, Bugingo na Rachid bazengurutse Umusifuzi Umutoni basabira Akayezu ikarita
Abakinnyi ba Rayon Sports barimo Rwatubyaye, Bugingo na Rachid bazengurutse Umusifuzi Umutoni basabira Akayezu ikarita
Rwatubyaye ntiyumvaga uburyo Umutoni adatanga ikarita
Rwatubyaye ntiyumvaga uburyo Umutoni adatanga ikarita
Umusifuzi Umutoni Aline yahise ahindukira ajya kureba Akayezu wamutakambiraga kuko yari asanzwe afite ikarita y'umuhondo
Umusifuzi Umutoni Aline yahise ahindukira ajya kureba Akayezu wamutakambiraga kuko yari asanzwe afite ikarita y'umuhondo
Umutoni yabwiye Akayezu Jean Bosco ko adakeneye kumwumva
Umutoni yabwiye Akayezu Jean Bosco ko adakeneye kumwumva
Uyu musifuzi mpuzamahanga yahise atangira gukora ku mufuka aho yari yabitse ikarita y'umuhondo
Uyu musifuzi mpuzamahanga yahise atangira gukora ku mufuka aho yari yabitse ikarita y'umuhondo
Akayezu yagerageje kubuza Umutoni gukuramo ikarita y'umuhondo kuko yari guhita ibyara itukura
Akayezu yagerageje kubuza Umutoni gukuramo ikarita y'umuhondo kuko yari guhita ibyara itukura
Mu kumubuza, Akayezu yafashe Umutoni mu gituza
Mu kumubuza, Akayezu yafashe Umutoni mu gituza
Byarangiye Umusifuzi Umutoni Aline yeretse ikarita ya kabiri y'umuhondo Akayezu Jean Bosco wari kumwe na Ssekisambu na Rucogoza Eriasa
Byarangiye Umusifuzi Umutoni Aline yeretse ikarita ya kabiri y'umuhondo Akayezu Jean Bosco wari kumwe na Ssekisambu na Rucogoza Eriasa
Akayezu yahise yerekwa ikarita itukura mu gihe Ssekisambu yerekanye ko bitari bikwiye ndetse byamubabaje
Akayezu yahise yerekwa ikarita itukura mu gihe Ssekisambu yerekanye ko bitari bikwiye ndetse byamubabaje
Umusifuzi Umutoni Aline yafashe Akayezu Jean Bosco ku rutugu amwumvisha ko byarangiye akwiye kwerekeza mu rwambariro
Umusifuzi Umutoni Aline yafashe Akayezu Jean Bosco ku rutugu amwumvisha ko byarangiye akwiye kwerekeza mu rwambariro
Ntirushwa Aimé abwira Akayezu ko bakora ibisigaye, we agomba gusohoka
Ntirushwa Aimé abwira Akayezu ko bakora ibisigaye, we agomba gusohoka
Akayezu Jean Bosco asohoka mu kibuga mu gihe abandi biteguraga gukomeza umukino
Akayezu Jean Bosco asohoka mu kibuga mu gihe abandi biteguraga gukomeza umukino
Akayezu atambuka imbere ya Murego na Rafiki bo muri Rayon Sports
Akayezu atambuka imbere ya Murego na Rafiki bo muri Rayon Sports
Uyu mukinnyi wa AS Kigali yahise yerekeza mu rwambariro
Uyu mukinnyi wa AS Kigali yahise yerekeza mu rwambariro
Akayezu azasiba umukino utaha, AS Kigali izakirwamo na Muhazi United
Akayezu azasiba umukino utaha, AS Kigali izakirwamo na Muhazi United

Amafoto: Ntare Julius