Ivugururwa ry’iki kibuga ni kimwe mu bigize umushinga wiswe ‘Mpazi’ ugamije kuvugurura imiturire mu Murenge wa Gitega wo mu Karere ka Nyarugenge.

Uyu mushinga watangiye gushyirwa mu bikorwa muri Gashyantare 2023, aho nyuma y’umwaka imirimo yo kuvugurura ikibuga cya ruhago iri kugana ku musozo.

Ubwo IGIHE yasuraga iki kibuga, yasanze igeze kure kuko ‘tapis’ yamaze gushyirwa mu kibuga igisigaye ari amazamu gusa.

Ni mu gihe amatara azifashishwa mu gukina ni mugoroba yo yamaze gushyirwaho. Biteganyijwe ko bitarenze Gicurasi iki kibuga kizaba cyatangiye gukoreshwa.

Ibindi bikorwa bya siporo biri muri uyu mushinga ni ugutunganya ibibuga bya Basketball na Volleyball byo ku mashuri ya Gitega.

Benshi mu bakuriye mu bice bya Gitega na Kimisagara bazi cyane iki kibuga kubera imikino ikomeye y’abana yahaberaga ndetse cyazamukiyeho n’abakinnyi baje kwamamara nka Byiringiro Lague, Girinshuti Mwemere, Iranzi Jean Claude n’abandi.

Witegeye ikibuga ni uku kigaragara

Ubwatsi bw'ubukorano nibwo bwashyizwe muri iki kibuga

Iki kibuga cyavuguruwe mu mushinga wo kunoza imiturire mu mushinga wiswe 'Mpazi'

Iki kibuga kizaba gishoborwa gukinirwaho mu masaha y'ijoro

Tapis nshya niyo yashyizwe muri iki kibuga

Uko ikibiga kigaragara ukirebereye hejuru

Hashyizweho amatara azajya yifashijwe ku mikino yo mu ijoro

Amafoto ya IGIHE: Kasiro Claude