Ni umukino utari woroshye ku mpande zombi by’umwihariko waranzwe n’ishyaka rikomeye ku ruhande rw’ikipe y’abayobozi ,Vision 2020, yakinagamo Perezida wa Sena Makuza Bernard.

Nubwo babonye amakarita abiri y’umutuku kubera amakosa bakoreye abanyamakuru, Vision 2020 ibifashijwemo na bamwe bigeze gukina umupira w’amaguru nka Nshizirungu Hubert wakiniye Kiyovu Sport na Rwanda B yatwaye igikombe cya CECAFA, Mateso usanzwe ari Umutoza wungirije wa AS Kigali n’abandi batsinze abanyamakuru b’imikino ibitego 6 kuri 2.

Ibitego bya Vision 2020 harimo bibiri byatsinzwe na Muhayimana Theonetse wahoze akinira Rayon na Kiyovu Sport.

Ikipe y’abanyamakuru yari igizwe n’abanyamakuru b’imikino bazwi mu gihugu nka Jado Dukuze wa Radio 10, Peter Kamasa wa The New Times, Claude Hitimana wa Radio Flash, Jean Luc Imfurayacu wa Radio 10 n’abandi.

Perezida wa Sena, Bernard Makuza yakinnye iminota 90 yose afasha ikipe ye kwitwara neza imbere y’abanyamakuru.

Vision 2020 bateye umupira ubwatsi buraranduka

Perezida wa Sena Makuza Bernard aharanira ishema rya Vision 2020

Abayobozi (bambaye Orange) bakinanye ingufu

Vision 2020 nubwo bahawe amakarita abiri atukura babashije kwegukana intsinzi

Jean Luc Imfurayacu wa Radio 10 ufite umupira mu ntoki

Vision 2020 yahawe amakarita abiri atukura

Abanyamakuru batahanye umwenda w'ibitego 4

Abanyamakuru b'imikino bananiwe kwiyumvisha uburyo banyagiwe bitandatu kuri bibiri

Minisitiri Uwacu yari yasazwe n'ibyishimo

Minisitiri w'umuco na Sipro Uwacu Julienne n'Umuyobozi wa RGB, Prof Shyaka bari bitabiriye uwo mukino

Vision 2020 niyo yegukanye igikombe

Abafana bake bari baje kwihera amaso

Jado Dukuze wa Radio 10 amaze kwambikwa umudali

Senateri Makuza yakinnye iminota 90

Amafoto: Danny Papyson