Mu ijoro ryo kuri iki Cyumweru tariki 30 Ukuboza 2018 nibwo Irambona w’imyaka 26 yahuje inshuti n’abagize umuryango we kuri Urban Hotel mu muhango wo gusaba umukunzi we ko babana akaramata nk’umugabo n’umugore.

Muri uyu muhango, uyu myugariro w’ibumoso yashyigikiwe n’abandi bakinnyi ba Rayon Sports nka Mugisha François Master, Mutsinzi Ange Jimmy, Djabel Manishimwe n’Umutoza wabo Roberto Oliveira Goncalves do Carmo bita Robertinho.

Uyu mukinnyi wavutse tariki 4 Ukuboza 1992 yafashe uyu mwanzuro nyuma y’imyaka itatu amaze aziranye na Mugeni Olivia.

Irambona yabwiye IGIHE ati “Ntabwo mfashe uyu mwanzuro mpubutse. Maze imyaka itatu nziranye nawe kandi yahinduye byinshi mu buzima bwanjye.”

“Si ukuba ari umukunzi wanjye gusa ahubwo ni n’umujyanama wanjye mu kazi nkora k’umupira w’amaguru. Kubana nawe ntekereza ko bizanteza imbere kurushaho.”

Irambona Eric n'umukunzi we bagiye gushyingirwa

Biteganyijwe ko bazashinga umuryango mu mpeshyi ya 2019 akaba undi mukinnyi wa Rayon Sports ukoze ubukwe nyuma ya Manishimwe Djabel uzarushinga na Niyitunganye Kawthar tariki 26 Mutarama 2019.

Myugariro wa Rayon Sports yemerewe n'umukunzi we ko bazabana

Bombi bamaze imyaka itatu ari inshuti zikomeye

Amarangamutima yasaze Mugeni nyuma yo kwambikwa impeta n'umukunzi

Bombi basangiye umutsima bishimira urugendo rushya bagiye gutangira

Abakinnyi ba Rayon Sports, Mutsinzi Ange Jimmy, Manishimwe Djabel, Mugisha Master n'umutoza Robertinho bari mu bitabiriye ibi birori

Djabel Manishimwe ni undi mukinnyi wa Rayon Sports uherutse kurushinga

Robertinho yishimiye intambwe yatewe n'umukinnyi we