Tariki 2 kugera 17 Gashyantare 2018 mu Mijyi ya Maradi Niamey muri Niger hazakinirwa igikombe cya Afurika cy’abatarengeje imyaka 20 kizitabirwa n’amakipe umunani.

Afurika y’Iburasirazuba izahagararirwa n’u Burundi buyobowe na rutahizamu ufite ibitego byinshi kurusha abandi muri shampiyona y’u Rwanda, Jules Ulimwengu wa Sunrise FC.

Amakipe y’ibihugu yose azitabira iri rushanwa ni Niger yakiriye amarushanwa, Sénégal, Afurika y’Epfo, Mali , Ghana, Nigeria, Burkina Faso n’u Burundi.

Abasifuzi bose batoranyijwe hamwe na Ishimwe Claude

Abasifuzi bo hagati: Jean Claude Ishimwe (Rwanda), Pacifique Ndabihawenimana (Burundi), Antoine Max Depadoux Effa (Cameroun), Suleiman Ahmed Djama (Djibouti), Amin Mohamed Amin Mohamed (Misiri), Peter Waweru (Kenya), Boubou Traore (Mali), Heeralall Ahmad Imtehaz (Ibirwa bya Maurice), Moussa Ali Mohamed (Niger), Hassan Mohamed Hagi (Somalia), Ntale Kokou Ognankotan (Togo) na Haythem Guirat (Tunisia).

Abasifuzi bo ku ruhande: Luis Fernandes Barbosa (Cap-Vert), Jospin Luckner Malonga (Centrafrique), Gamal Saad Mohamed Samir (Misiri), Firmino Bassafim (Guinea Bissaue), Lionel Hasinjarasoa (Madagascar), Louis Ralph Fabien Cauvelet (Ibirwa bya Maurice), Akerkad Mustapha (Maroc), Mathew Kanyanga (Namibia), Abdoul Aziz Moctar Saley (Niger), Hamza Hagi Abdi (Somalia), Dick Okello (Uganda) na Samuel Temesgin Atango (Ethiopia).

Ishimwe Claude ari mu basifuzi bazayobora igikombe cya Afurika cy'ingimbi

Cyucyuri niwe munyarwanda ufite amanota menshi muri CAF, kuko ari mu cyiciro cya Elite A mu gihe abandi bari muri Elite B