Timber w’imyaka 22, ntabwo ari gukina muri iyi minsi kubera imvune yagize muri Kanama ubwo yakiniraga Arsenal umukino we wa mbere muri Shampiyona y’Icyiciro cya Mbere mu Bwongereza.

Umutoza Mikel Arteta, aherutse kuvuga ko uyu mukinnyi ari kurwana no gukiruka imvune, ariko azamara igihe kirekire adakina.

Ati "Ameze neza. Ari kunyura mu mvune ikomeye ariko urwego ageze aho ubu, ari kumera neza. Uburyo akora buri munsi burahagije kureba. Haracyari igihe kirekire tutamufite."

Muri Nyakanga uyu mwaka ni bwo Timber yavuye muri Ajax, aguzwe na Arsenal kuri miliyoni 38.5£.

Biteganyijwe ko ku mugoroba wo kuri uyu wa 14 Ukuboza, ahura n’abana bakina umupira w’amaguru, abafana ndetse n’abanyamakuru kuri Kigali Pelé Stadium.

Muri Gicurasi 2018 ni bwo u Rwanda rwinjiye mu bufatanye na Arsenal FC, bugamije kurumenyekanisha nk’icyerekezo gikomeye cy’ubukerarugendo n’ishoramari, binyuze mu gushyira ikirango ‘Visit Rwanda’ ku kuboko kw’imyenda yayo.

Myugariro wa Arsenal, Jurriën Timber yageze mu Rwanda mu gitondo cyo kuri uyu wa 14 Ukuboza 2023

Saa 08:04 ni bwo Timber yasohotse mu Kibuga Mpuzamahanga cy'Indege cya Kigali i Kanombe

Myugariro wa Arsenal yaganiriye gato n'abanyamakuru

Mu bazanye na Jurriën Timber harimo umukunzi we

Imodoka yakuye Jurriën Timber ku kibuga cy'indege i Kanombe

Timber yaguzwe na Arsenal muri Nyakanga uyu mwaka

Amafoto: Ntare Julius