Inama y'umuryango wa Rayon Sport yateraniye ku cyicaro cyayo kuri uyu wa 21 Nyakanga yavuze ko hashingiwe ku mategeko shingiro agenga iyi kipe, mu ngingo ya 28, ivuga ko komite nyobozi ariyo ishinzwe "gushaka, gushyiraho no gusezerera abakozi bo mu nzego zinyuranye z'umuryango”, uyu mwanya usubijwe ku isoko.

Itangazo ubuyobozi bw’iyi kipe bwashyize ahagaragara rivuga ko abifuza gutoza iyi kipe bagomba kugeza ibyangombwa byabo ku cyicaro gikuru cy'umuryango, nyuma komisiyo yashyizweho ishinzwe igura n'igurisha ikaba ariyo izahitamo umutoza mwiza mu bazaba basabye akazi.

Umutoza Karekezi Olivier yari yahawe akazi n'ubuyobozi bwa Rayon Sports FC asimbuye Masoudi Djuma weguye ku gutoza iyi kipe.