Shampiyona y’icyiciro cya mbere mu mupira wa maguru irakomeza aho iraba igeze ku munsi wayo wa 26 ari nawo munsi wayo wa nyuma, Rayon Sport yamaze gutwara igikombe ikaza kugishyikirizwa.

Imihango nyirizina iteganyijwe ni ugushyikiriza igikombe cya shampiyona ku kipe ya Rayon Sport, ikongera kugifata mu biganza nyuma y’imyaka 9 itagitwara.

Iyi kipe ya Rayon Sport irakina n’ikipe ya Espoire kuri sitade Amahoro i Remera, ikipe y’Isonga FC – AS Muhanga zikaba ziribukinire ku kibuga cya FERWAFA.

Kiyovu Sport –Musanze FC izi kipe zirakinira kuri stade Mumena i Nyamirambo, ikipe ya Marines vs – La jeunesse zirakinira kuri stade Umuganda, ikipe ya Marines irasabwa gutsinda uyu mukino uyihuza n’ikipe ya La jeunesses kugira ngo yizere kuguma mu cyiciro cya mbere.

Kuri Stade Regional hakaba hategerejwe umukino uhuza ikipe ya Etincelles – APR FC.

Uyu mukino ukaba uraba ukomeye cyane kuko biyisaba gutsinda ikipe ya APR FC kugira ngo isigare mu cyiciro cya mbere ariko ibi bikaba ari uko ikipe ya La Jeunesses yatsinze ikipe ya Marines.

Naho kuri stade Kamena ikipe ya Mukura iracakirana n’Amagaju. Uyu mukino uraba ukomeye kuko izi kipe zombi ari izo mu ntara y’Amajyepfo.

Rayons Sport yamaze gutwara igikombe cya Shampiyona, mbere yo gukina umukino wa nyuma ifite amanita 57 ikarusha ikipe iyikurikiye amanita 5 yose.

PRIMUS ni we muterankunga mukuru wa Shampiyona y’umupira w’amaguru mu Rwanda.

Rutahizamu wa Rayon Sport yagoye cyane ba myugariro ba Musanze

Photo/Ububiko bwa IGIHE