Umuyobozi wa Manchester united, Richard Arnold, yatangaje ko kwiyongera k’umushahara biri mu byatumye igihombo kizamukaho miliyoni 23 z’amapawundi.

Umuyobozi ushinzwe umutungo muri Manchester United, Cliff Baty, yatangaje ko iyi kipe yahombaga miliyoni ebyiri buri cyumweru.

Yakomeje avuga ko iki gihombo cyatewe no kudakora ingendo(Tour) zibanziriza itangira rya shampiyona.

Yagize ati “ Igihombo twagize cyatewe no kutajya mu ngendo muri Aziya ndetse n’ibikoresho byacu ntibyaguzwe cyane nkuko bisanzwe.”

Kugura Raphael Varane, Jadon Sancho no kugaruka kwa Cristiano Ronaldo byazamuye amafaranga Manchester United ihemba kuko yavuye kuri miliyoni 61 z’amapawundi agera kuri miliyoni 384.

Richard yakomeje avuga ko intego uyu mwaka ari ugutsinda ndetse no gukomeza ikipe y’abagore.

Manchester United ifite abakinnyi batanu mu icumi ba mbere bahembwa umushahara munini muri Premier league.