Latino: Brazil vs Chili, Uruguay itarimo Suarez irahura na Colombia muri 1/8

00:00:00 IGIHE NETWORK

KINYARWANDA

ENGLISH

FRANCAIS

Latino: Brazil vs Chili, Uruguay itarimo Suarez irahura na Colombia muri 1/8

Yanditswe na

Tity Thierry Kayishema

Kuya 28 June 2014 saa 03:13

Yasuwe :

Yavuzweho:

Kuri uyu wa Gatandatu saa 18.00, haratangizwa imikino ya 1/8 cy’irangiza mu gikombe cy’Isi, Brazil yakiriye iyi mikino irakina na Chili naho Colombia ihure na Uruguay itarimo rutahizamu Luis Suarez wamaze guhagarikwa imikino 9.
Brazil vs Chili Saa 18.00 @Estadio Mineirão
Myugariro wa Brazil, David Luiz wagize akabazo mu myitozo ari kuvurwa ku buryo yakina umukino wa Chili. Fernandinho ashobora kubanza mu kibuga nubwo umutoza Felipe Luiz Scolari bigaragara ko agifitiye icyizere Paulinho. (…)

Brazil vs Chili Saa 18.00 @Estadio Mineirão

Myugariro wa Brazil, David Luiz wagize akabazo mu myitozo ari kuvurwa ku buryo yakina umukino wa Chili. Fernandinho ashobora kubanza mu kibuga nubwo umutoza Felipe Luiz Scolari bigaragara ko agifitiye icyizere Paulinho.

Myugariro wa Chili, Gary Medel afite ikibazo ku kagombambari mu gihe Arturo Vidal ukinira Juventus wari waruhukijwe umukino usoza amatsinda arabanza mu kibuga.

Abakinnyi ba Chili barimo Vidal, Charles Aranguiz, Francisco Silva na Eugenio Mena barakina bigengesereye kubera ko bafite amakarita y’umuhondo kmwe nka Thiago Silva, Ramires, Neymar na Luiz Gustavo ba Brazil.

Neymar araba ahura na Alex Sanchez bakinana muri FC Barcelona.

Brazil ntiratsindirwa mu rugo na Chili mu myaka 95 ishize, bamaze imikino 26 badatsindwa.

Mu 2010, Brazil yatsinze Chili ibitego 3-0 muri 1/8 cy’igiombe cyakinirwaga muri Afurika y’Epfo. Brazil iheruka gutsindirwa mu rugo mu 1975 na Peru muri ½ cy’igikombe cy’Amerika (Copa America).

Uyu mukino urayoborwa n’umusifuzi w’Umwongereza Howard Webb.

Umwongereza Howard Webb arasifura umukino wa Brazil na Chili

Colombia vs Uruguay saa 22.00 @ Estadio do Maracanã

Ubwo Colombia yakinaga umukino wa nyuma wo mu itsinda yakoze impinduka 8, abakinnyi baruhukijwe baraza gutangira ku mukino wa Uruguay. Rutahizamu Carlos Bacca wari wavunitse yakize.

Mu gihe Luis Suarez yahagaritswe, Diego Forlan ashobora kubanza mu kibuga agafatanya na Edinson Cavani. Kapiteni wa Uruguay Diego Lugano aracyafite imvune.

Umukino wa mbere Colombia yakinnye mu gikombe cy’Isi yatsinzwe na Uruguay ibitego 2-1 mu 1962 muri Chili.

Mu myaka 10 ishize, Uruguay yatsinze Colombia inshuro 6 mu mikino 8 bahuye na Colombia.

Uruguay yatsinze igitego muri buri mikino 9 baheruka mu gikombe cy’Isi, uretse uwo banganyije n’u Bufaransa mu 2010.

Gusa mu mikino ibiri y’igikombe cy’Isi iyi kipe iheruka gutsindwa, Luis Suarez ntiyakinnye. Mu 2010 batsinzwe n’u Buholande 3-2 naho Costa Rica ibatsinda 3-1 ku mukino ubanza wa 2014.