Mackenzi wavuye mu Rwanda akinira Rayon Sports muri Mutarama 2015 yari ku rutonde rwakozwe n’abanyamakuru b’imikino bahatanira iki gihembo ariko atorwa n’akanama k’abantu barindwi.

Uyu Murundi wakinnye muri APR FC na Kiyovu Sports yashimwe kubera uruhare rwe mu kugarira nk’intwaro ya Gor Mahia iyoboye shampiyona itaratsindwa mu mikino 18.

Nizigiyimana Kharim yatowe n'abanyamakuru b'imikino muri Kenya nk'umukinnyi mwiza muri Kamena

Mackenzi yavuuye muri Rayon Sports muri Mutarama 2015

Abahembye bongeyeho n’umubare w’imipira Nizigiyimana yahaye bagenzi be ikavamo ibitego. Yahembwe ibihumbi bisaga 350 FRW na televiziyo (42 inch Smart TV).

Muri Gor Mahia, Mackenzi akinana na Sibomana Abuba na Kagere Meddie babanye no muri Rayon Sports.

Abandi bari bafite ibi bihembo ni Ali Hassan Abondo wa Gor Mahia, John Makwatta wa Ulinzi na Gabriel Andika wa West Stima.

Mackenzi yahawe ibihumbi bisaga 350 FRW na televiziyo

Mbere yo guhaguruka muri Kenya, Gor Mahia yahawe imyenda mishya bazambara muri CECAFA Kagame cup

Kuri uyu wa Kane nibwo Gor Mahia yahagurutse muri Kenya yerekeza muri Tanzania aho kuwa Gatandatu bazakina na Yanga Africans mu mukino w’itsinda A rya CECAFA Kagame cup.

Mu 2014, Gor Mahia yasezerewe mu matsinda mu mikino yabereye mu Rwanda, baheruka gutwara iki gikombe gihuza amakipe yo muri Afurika yo hagati n’Iburasirazuba mu 1985.