Raiola yatangarije Skysports ko agiye gutangira ibiganiro na Jurgen Klopp ku hazaza ha rutahizamu Mario Balotelli wari watijwe ikipe ya Milan AC ariko imvune ntizimworohere ubu akaba agomba kuyivamo.

Yavuze ko uyu mukinnyi agomba guhabwa andi mahirwemuri Liverpool kuko umwaka umwe yahamaze utamubereye mwiza ariko ubu ngo hari byinshi byahindutse.

Yagize ati:” Ibyo ni akazi kanjye kuvugana n’abatoza. Klopp ndamuzi kuko nari mfite Mkhitaryan akiri muri Dortmund. Ndabizi ko ku bijyanye n’impano cyangwa ubushobozi bwa Mario atari ikibazo. Ikibazo gusa ni umutoza umugirira icyizere akamuha umwanya wo kwigaragaza.”

Balotelli yaje muri Liverpool atanzweho miliyoni 16 z’ama pound na Brendan Rodgers muri 2014 aje gusimbura Louis Suarez wari umaze kujya muri FC Barcelona ariko ntiyitwara neza byatumye atizwa mu Butaliyani ari naho yari yaje avuye.

Umutoza Klopp ashobora kongera guha uyu mukinnyi amahirwe yo kugaragaza ubushobozi bwe ahanini kubera imvune za Daniel Sturridge na we wari utegerejweho ibitego, byatumye akazi gakomeye gasigarana Christian Benteke na we udatsinda ibitego byinshi ku buryo byafasha iyi kipe kuzaza mu myaka nibura ine ya mbere ikaba yabona itike yo gukina imikino ya Champions League.

Balotelli yazanwe muri Liver Pool na Brendan Rogers

Muri AC Milan ntibyamuhiriye

Umutoza Jurgen Klopp wa Liver Pool ashobora kubyaza umusaruro Balotelli